ដោយ អាស៊ីសេរី
2021-11-05
ក្រុមសកម្មជនដែលតវ៉ាទាមទារឲ្យដោះលែងលោក រ៉ុង ឈុន ត្រូវបានតុលាការដោះលែងពីពន្ធនាគារ នៅថ្ងៃទី៥ ខែវិច្ឆិកា ឆ្នាំ២០២១។
Photo Provided
ក្រុមសកម្មជនដែលតវ៉ាទាមទារឲ្យដោះលែងលោក រ៉ុង ឈុន ចំនួន ៥នាក់ ត្រូវបានតុលាការដោះលែងពីពន្ធនាគារវិញហើយនៅថ្ងៃទី៥ ខែវិច្ឆិកា បន្ទាប់ពីពួកគាត់ជាប់ពន្ធនាគារជាង ១ឆ្នាំ។
អ្នកទាំង ៥នាក់នោះរួមមាន សមាជិកយុវជនខ្មែរថាវរៈ គឺអតីតព្រះសង្ឃ កើត សារ៉ាយ លោក ថា ឡាវី និងអនុប្រធានសមាគមសម្ព័ន្ធនិស្សិតបញ្ញវន្តខ្មែរលោក មាន ព្រហ្មមុនី ព្រមទាំងសកម្មជនគណបក្សសង្គ្រោះ ជាតិ ២រូបទៀត គឺលោក ជុំ ពុទ្ធី និងលោក ឈួ ផេង។ ចំណែកសកម្មជន មួយចំនួនទៀត រួមមាន លោក ហ៊ុន វណ្ណៈ លោកស្រី ឈឿន ដារ៉ាវី និងលោក មួង សុភ័ក្ត្រ នឹងត្រូវបានដោះលែងនៅសប្តាហ៍ក្រោយនេះ។
សកម្មជនដែលត្រូវបានដោះលែង អះអាងថា ពួកគាត់ នៅតែទទួលរងភាពអយុត្តិធម៌ធ្ងន់ធ្ងរដដែល ព្រោះតុលាការ នៅបន្តរក្សាបទចោទ និងដាក់ឲ្យពួកគាត់ស្ថិតក្រោមត្រួតពិនិត្យតាមផ្លូវការ។ ទោះយ៉ាងណា ក្រុមសកម្មជនទាំងនេះ អះអាងថា ពួកគាត់នៅតែប្រកាន់ខ្ជាប់គោលជំហរដូចដើមក្នុងការតស៊ូមតិដោយអហិង្សា ដើម្បីរួមចំណែកធ្វើឲ្យសង្គមកម្ពុជា មាននីតិរដ្ឋ មានការគោរពសិទ្ធិមនុស្ស និងលទ្ធិប្រជាធិបតេយ្យពិតប្រាកដ។
អាជ្ញាធររបបលោក ហ៊ុន សែន បានចាប់និងឃុំខ្លួនសកម្មជនទាំងនេះ កាលពីខែសីហា និងខែកញ្ញា ឆ្នាំ២០២០ ដោយចោទពីបទញុះញង់ពាក់ព័ន្ធនឹងការតវ៉ាទាមទារឲ្យដោះលែងមេដឹកនាំសហជីព និងជាអ្នកឃ្លាំមើលព្រំដែន លោក រ៉ុង ឈុន។
កាលពីសប្តាហ៍មុននេះ ចៅក្រមសាលាដំបូងរាជធានីភ្នំពេញ លោក ទិត សុទ្ធី បូរ៉ាឆាត បានសម្រេចផ្ដន្ទាទោសសកម្មជនចំនួន ១០នាក់ឲ្យជាប់ពន្ធនាគារ២០ខែ និងបង្គាប់ឲ្យបង់ប្រាក់ពិន័យចំនួន ៥០០ដុល្លារក្នុងម្នាក់ៗ។ ប៉ុន្តែចៅក្រមរូបនេះ បានតម្រូវឲ្យសកម្មជនទាំងនេះ ជាប់ពន្ធនាគារ ១៤ខែ ទៅ ១៥ខែ ហើយទោសនៅសល់ត្រូវព្យួរ។ តុលាការ ក៏បានដាក់ឲ្យពួកគាត់ស្ថិតនៅក្រោមការត្រួតពិនិត្យរបស់តុលាការរយៈពេលពីរឆ្នាំទៀត ហើយតម្រូវឲ្យរាយការណ៍ទៅព្រះរាជអាជ្ញា ប្រសិនបើពួកគេផ្លាស់ប្តូរអាសយដ្ឋាន ការងារ ឬចង់ទៅក្រៅប្រទេស។
1 comment:
Ah Kwack Hun Sen also wanted these 5 activists to know that He (Hun Sen or Hun Shit) released them.
This is the evil Vietnam's tactics: torture you, then give you some shit to heal your wound.
Post a Comment