ដោយ អាស៊ីសេរី
2021-12-31
បុគ្គលិកក្រុមហ៊ុនណាហ្គាវើលដ៍ (Naga World) ម្នាក់ក្នុងចំណោម៨នាក់ដែលត្រូវបានរាយការណ៍ថា អាជ្ញាធរបានចាប់ខ្លួននៅយប់ថ្ងៃទី៣១ ខែធ្នូ ឆ្នាំ២០២១។
រូប៖ គេផ្ដល់ឱ្យ
ស្នងការនគរបាលរាជធានីភ្នំពេញបានចាប់ខ្លួនថ្នាក់ដឹកនាំសហជីពម្នាក់ និងសកម្មជនសហជីពណាហ្គាវើលដ៍(Naga World) ៧ នាក់ នៅម៉ោង៨យប់ថ្ងៃទី៣១ ខែធ្នូ។
ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍(Naga World) កញ្ញា ឈឹម ស៊ីថរ ឲ្យដឹងថា សមត្ថកិច្ចបានដាក់កម្លាំង៣ឡានចុះទៅព័ទ្ធចាប់សហជីពរបស់គាត់ដល់ទីស្នាក់ការស្ថិតនៅផ្ទះលេខ២អាយ (I) ផ្លូវសុធារស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ក្នុងចំណោម៨នាក់នោះ គឺមានអគ្គលេខាធិការសហជីពកញ្ញា ឈឹម សុខន និងស្ត្រី៧នាក់ទៀតជាសកម្មជនសហជីព។
កញ្ញា ឈឹម ស៊ីថរ ថ្លែងទៀតថា បន្ទាប់ពីចាប់ខ្លួនអ្នកទាំងនោះរួច នៅឯកន្លែងតវ៉ាខាងមុខអាគារទី២នៃក្រុមហ៊ុនណាហ្គាវើលដ៍ ឯណោះវិញ កម្លាំងសមត្ថកិច្ចកំពុងព្យាយាមចាប់ខ្លួនសកម្មជនសហជីពដែលក្រុមហ៊ុនបញ្ឈប់គឺលោក ជួប ចាន់ណាត ម្នាក់ទៀត តែកូដករកំពុងស្រាក់ដៃគ្នា រារាំងមិនឲ្យសមត្ថកិច្ចចាប់ខ្លួនពួកគេឡើយ។ សូមលោកអ្នកនាងរង់ចាំតាមដានព័ត៌មានលំអិតអំពីរឿងនេះជាបន្តបន្ទាប់ទៀត...!
No comments:
Post a Comment