ក្រុម​ប្រទេស​ម្ចាស់​ជំនួយ​ជំរុញ​សាលាក្ដី​ខ្មែរ​ក្រហម​​ឱ្យ​បញ្ចប់​ការងារ​ឱ្យ​ទាន់​ពេលវេលា

Khmer Circle:

At the start of this trial few would have imagined that it would have lasted half as long as it is now taking. Granted, most of us casual observers can be forgiven for holding such views: surely, all the irrefutable evidences; the mass graves, the written documents and records, the interrogation "confessions" etc. forming the body of the prosecutors' case are more than sufficient to satisfy the legal procedures or "due process" in bringing the trial to its unhindered, relatively prompt and speedy conclusion? 

Not really. Or so it appears. Whilst the court deliberates and pontificates on themes like 'genocide', torture and "crimes against humanity" the man who runs the country and, most certainly continues to cast his shadow on the court and the trial's proceedings - an ex-Pol Pot Khmer Rouge commander - is more or less at liberty to commit those very crimes right on the court house's doorsteps. A RFA report a couple of days ago even carries this headline: "‘A French court has indirectly accused Hun Sen of mass murder’".

Perhaps, the most telling indictment on the court and its farcical nature is that not even the foreign judges appointed to arbitrate the trial's cases are in agreement as to the missions and aims of the court and, the resignations of a number of these judges over the years appear to confirm this.  

🔼🔼🔼     

ដោយ សុជីវី

2022-03-03

ចៅក្រម និង​មន្ត្រី​សាលាក្ដី​ខ្មែរក្រហម (ECCC) នៅ​ក្នុង​បន្ទប់​សវនាការ កាល​ពី​ថ្ងៃ​ទី១៨ ខែសីហា ឆ្នាំ២០២១ និង​ (ស្ដាំ) លោក ខៀវ សំផន ជា​ជន​ជាប់​ចោទ​នៅ​សល់​ចុងក្រោយ​ក្នុង​សំណុំរឿងលេខ ០០២ វគ្គ​២ (០០២/០២)។

 រូបពី៖ ECCC

ក្រុម​ប្រទេស​ម្ចាស់​ជំនួយ ឬ​ក្រុម​ប្រទេស​មិត្ត​របស់​អង្គ​ជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) ឬ​សាលាក្ដី​ខ្មែរក្រហម ជំរុញ​ឱ្យ​សាលាក្ដី​កូនកាត់​មួយ​នេះ បញ្ចប់​ការងារ​ឱ្យ​ទាន់​ពេល​វេលា និង​គួរ​ងាក​ទៅ​ចាប់​ផ្ដើម​ការងារ​ថ្មី​ក្រោយ​បញ្ចប់​នីតិវិធី​តាម​ផ្លូវ​តុលាការ។

ក្នុង​សេចក្ដី​ប្រកាស​រួម​ចេញ​នៅ​ថ្ងៃទី៣ ខែមីនា ក្រុម​មិត្ត​នៃ អ.វ.ត.ក បញ្ជាក់​ថា​ សាលាក្ដី​ខ្មែរក្រហម​ គួរ​តែ​បែរ​មុខព្រួញ​ការងារ​ ​ទៅ​លើ​អាណត្តិ​ការងារ​សេសសល់​ថ្មី​របស់​ខ្លួន បន្ទាប់​ពី​ការ​បញ្ចប់​នីតិវិធី​តាម​ផ្លូវ​តុលាការ​ភ្លាម។

ក្រុម​មិត្ត​សាលាក្ដី​ខ្មែរក្រហម បញ្ជាក់​ថា គេ​បាន​ដឹង​ថា សំណុំរឿង​ចុងក្រោយ​របស់​តុលាការ​កូន​កាត់ គ្រោង​នឹង​បញ្ចប់ នៅ​ចុង​ឆ្នាំ​នេះ ដោយ​បញ្ចប់​បណ្ដឹង​សាទុក្ខ​នៅ​អង្គ​ជំនុំជម្រះ​តុលាការ​កំពូល លើ​សំណុំរឿង ០០២ វគ្គ​២ (០០២/០២) ស្ដីពី ខៀវ សំផន ហើយ​មាន​រយៈ​ពេល ៣ឆ្នាំ​មក​ហើយ ដែល​បណ្ដឹង​នេះ​បាន​ធ្វើ​ឡើង​នៅ​ចំពោះ​មុខ​តុលាការ​កំពូល។ ប្រភព​ដដែល​គូស​បញ្ជាក់​ថា សំខាន់​ណាស់​ ដែល​តុលាការ​នេះ​​គួរ​ផ្ដល់​យុត្តិធម៌​ក្នុង​រយៈ​ពេល​សមស្រប​មួយ ហើយ​បើ​យោង​តាម​ធនធាន​ហិរញ្ញវត្ថុ​មាន​កំណត់ ការ​គោរព​ពេលវេលា​បញ្ចប់​ការងារ​ក៏​ជា​រឿង​សំខាន់​ដែរ។

ក្រុម​ប្រទេស​ទាំងនោះ​បញ្ជាក់​ទៀត​ថា ចំណុច​ទាំង​នេះ​មាន​សារសំខាន់​សម្រាប់​ការ​ត្រៀម​បម្រុង​ថវិកា​ចាំបាច់​ឱ្យ​ទាន់​ពេល​វេលា។

ការ​ជំរុញ​នេះ​ធ្វើឡើង​នៅ​ក្នុង​កិច្ច​ប្រជុំ​មួយ​កាលពី​ថ្ងៃ​ទី១៥ ខែកុម្ភៈ រវាង​ប្រទេស​ក្រុម​មិត្ត​សាលាក្ដី​ខ្មែរ​ក្រហម ជាមួយ​តំណាង​ការិយាល័យរដ្ឋបាល​សាលាក្ដី​ខ្មែរ​ក្រហម ទាំង​ភាគី​ជាតិ និង​អន្តរជាតិ រួម​ទាំង​តំណាង​រដ្ឋាភិបាល​កម្ពុជា។

វិទ្យុ​អាស៊ី​សេរី​នៅ​មិនទាន់​អាច​សុំ​ការ​ឆ្លើយតប​រឿង​នេះ​ពី​អ្នកនាំពាក្យ​សាលាក្ដី​ខ្មែរ​ក្រហម លោក នេត ភក្ត្រា បាន​នៅ​ឡើយ​ទេ​នៅ​យប់​ថ្ងៃ​ទី៣ ខែ​មីនា។

ក្រុម​មិត្ត​សាលាក្ដី​ខ្មែរ​ក្រហម បញ្ជាក់​ថា កិច្ចការ​សេសសល់​អាច​រាប់​បញ្ចូល​នូវ​ការពិនិត្យ​សេចក្ដី​សម្រេច​ឡើងវិញ ការ​ការពារ​ជន​រង​គ្រោះ និង​សាក្សី ការ​អនុវត្ត​ទោស ការគ្រប់គ្រង​ឯកសារ ការ​ថែរក្សា និង​ប្រើប្រាស់​ប័ណ្ណសារ បញ្ហា​ពាក់ព័ន្ធ​នឹង​កេរដំណែល និង​ការ​ការពារ​ការ​ចងចាំ​អំពី​អំពើ​កាប់សម្លាប់​ប្រព្រឹត្ត​ដោយ​ខ្មែរ​ក្រហម។

មន្ត្រី​នៅ​សាលា​ក្ដី​ឱ្យ​ដឹង​ថា មកដល់​ឆ្នាំ២០២១ សាលាក្ដី​ខ្មែរក្រហម​បាន​ចំណាយ​ថវិកា​គឺ​ចំនួន​ជាង ៣រយលាន​ដុល្លារ (៣៣០,៤0លាន)។ ដោយ​ផ្អែកលើ​តម្រូវការ​ដែល​បាន​រំពឹង​ទុក សាលាក្តី​ខ្មែរ​ក្រហម កំពុង​ស្នើសុំ​ការ​អនុម័ត​ថវិកា ដែល​បាន​ស្នើ​ឡើង​ចំនួន​ ជាង ១៦លានដុល្លារ (១៦,១៨) សម្រាប់​ឆ្នាំ​ ២០២២ ដែល​មាន​ចំនួន​តិច​ជាង​ឆ្នាំ​ចាស់​ជាង ៩% (៩,១៧%)៕