Khmer Circle: Anything to get the hard currency, eh?
$$$
ដោយ ទីន ហ្សាការីយ៉ា
2022-04-09
លោក ស ខេង រដ្ឋមន្ត្រីក្រសួងមហាផ្ទៃ។
Photo Courtesy
លោក ស ខេង រដ្ឋមន្ត្រីក្រសួងមហាផ្ទៃ បានឯកភាពឲ្យស្ថាប័នពាក់ព័ន្ធ យកសេក្ដីព្រាងច្បាប់ស្ដីពី ពពោះជំនួសមកពិនិត្យសិក្សាឡើងវិញ ក្រោយពីបានផ្អាករយៈពេល៥ឆ្នាំកន្លងមក។
លោក ស ខេង ជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានលើកឡើងដូច្នេះ នៅក្នុងពេលផ្សព្វផ្សាយរបាយការណ៍ជាតិ ស្ដីពីការងារប្រយុទ្ធប្រឆាំងអំពើជួញដូរមនុស្សឆ្នាំ២០២១ និងទិសដៅការងារឆ្នាំ២០២២ របស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្សកាលពីថ្ងៃទី៧ ខែមេសា។
មន្ត្រីគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សលើកឡើងថា កម្ពុជាបច្ចុប្បន្នកំពុងក្លាយជាកន្លែង ជនល្មើសប្រើប្រាស់ដើម្បីឲ្យស្រីពពោះជំនួស ហើយបញ្ជូនឲ្យទៅកើតនៅប្រទេសជិតខាងកម្ពុជា។ មាតាដែលកើតទារកហើយក៏បានក្លាយជាជនរងគ្រោះនៃការជួញដូរមនុស្ស ដោយសារតែជនល្មើសបានដកហូតលិខិតឆ្លងដែន និងលិខិតសំគាល់ខ្លួន មុនបញ្ជូនពួកគេទៅក្រៅប្រទេស។
លោក ស ខេង មានប្រសាសន៍ថា ច្បាប់ស្ដីពីការពពោះជំនួសនេះ លោកធ្លាប់បានស្នើឲ្យផ្អាកការជជែកពីច្បាប់នេះកាលពីមុន ហើយបច្ចុប្បន្ននេះអាចលើកយកមកជជែកឡើងវិញបាន ប៉ុន្តែដោយសារច្បាប់នេះថ្មីសម្រាប់កម្ពុជា ដូច្នេះត្រូវការពេលវេលា និងត្រូវការសិក្សាបន្ថែម។
លោក ស ខេង ក៏ស្នើសិក្សាពីបណ្តាប្រទេសមួយចំនួននៅក្នុងតំបន់ និងប្រទេសពាក់ព័ន្ធនឹងច្បាប់នេះ ដោយសារប្រទេសទាំងនោះ បានធ្វើច្បាប់នេះហើយ ប៉ុន្តែក្រោយមកក៏មានប្រទេសខ្លះលុបចេញវិញ ដូច្នេះកម្ពុជាត្រូវតែសិក្សាឲ្យច្បាស់ពីមូលហេតុទាំងនេះ។
ច្បាប់ស្ដីពីការពពោះជំនួសត្រូវបានបង្កើតឡើងកាលពីឆ្នាំ២០១៧ បន្ទាប់មកក្រសួងយុត្តិធម៌ពិនិត្យបានពិនិត្យរួចរាល់កាលពីឆ្នាំ២០១៨។ ច្បាប់នេះ មាន ៩ជំពូក និង៦២មាត្រា។ រដ្ឋាភិបាលធ្វើសេចក្ដីព្រាងច្បាប់ស្ដីពីការពពោះជំនួសនេះ ក្រោយពីសមត្ថកិច្ចបានឃាត់ខ្លួនមនុស្ស៣នាក់ ពាក់ព័ន្ធនឹងការផ្ដល់សេវាកម្មពពោះជំនួសនៅកម្ពុជាកាលពីឆ្នាំ២០១៦៕
No comments:
Post a Comment