ដោយ ថា ថៃ
2022.07.30
យុវជន យឿង ខាយ (ឆ្វេង) និងយុវជន ថាច់ កឿង ដែលត្រូវអាជ្ញាធរវៀតណាម ចាប់ខ្លួន នាទីក្រុងហូជីមិញ នៅព្រឹកថ្ងៃទី៣០ ខែកក្កដា ឆ្នាំ២០២២។
រូប៖ VOKK
សកម្មជនការពារសិទ្ធិពលរដ្ឋខ្មែរក្រោមពីររូប ត្រូវបានអាជ្ញាធរវៀតណាម ចាប់ខ្លួននៅព្រឹកថ្ងៃទី៣០ ខែកក្កដា ក្នុងបំណងរារាំងមិនឲ្យពួកគាត់ទាំងពីររូប ជួបសំណេះសំណាលជាមួយមន្ត្រីអគ្គកុងស៊ុលសហរដ្ឋអាមេរិកប្រចាំទីក្រុងព្រៃនគរ ដែលវៀតណាមប្តូរជាក្រុងហូជីមិញ (Ho Chi Minh) ។ សកម្មជនទាំងពីររូបដែលអាជ្ញាធរវៀតណាម ចាប់ខ្លួននោះ គឺយុវជន យឿង ខាយ និងយុវជន ថាច់ កឿង។ យុវជនខ្មែរក្រោមទាំងពីរនាក់ គឺជាអ្នកចេញមុខយ៉ាងសកម្មក្នុងការតស៊ូមតិ ដោយអហិង្សាដើម្បីឲ្យរដ្ឋាភិបាលវៀតណាម គោរពសិទ្ធិមូលដ្ឋានរបស់ពលរដ្ឋខ្មែរក្រោមម្ចាស់ស្រុក។
វិទ្យុសំឡេងកម្ពុជាក្រោម (VOKK ) បានចេញផ្សាយព័ត៌មាននៅថ្ងៃទី៣០ កក្កដា ថា អាជ្ញាធរវៀតណាមជាច្រើន បានឡោមព័ទ្ធចាប់យុវជនទាំងពីរនាក់នៅកន្លែងផ្សេងៗគ្នា ខណៈអ្នកទាំងពីរ គ្រោងទៅជួបសំណេះសំណាល និងទទួលទានអាហារសាមគ្គីជាមួយមន្ត្រីអគ្គកុងស៊ុលសហរដ្ឋអាមេរិក ប្រចាំទីក្រុងព្រៃនគរ នៅល្ងាចថ្ងៃទី៣០ ខែកក្កដា ។
យុវជន យឿង ខាយ និងយុវជន ថាច់ កឿង ធ្លាប់ត្រូវបានអាជ្ញាធរវៀតណាម គំរាមកំហែង ធ្វើទុក្ខបុកម្នេញ និងឃាត់ខ្លួនទៅសួរនាំជាបន្ទាប់ ដោយសារភាពសកម្មនិយមរបស់ពួកគាត់ ក្នុងការទាមទារឲ្យអាជ្ញាធរបញ្ឈប់ការបំបិទសិទ្ធិ ពលរដ្ឋខ្មែរក្រោម ដែនដីកម្ពុជាក្រោម។
សកម្មជនការពារសិទ្ធិខ្មែរក្រោមមួយរូប លោក តោ ហ្វាងចឿង បានផ្ញើសារតាមវិទ្យុសំឡេងកម្ពុជាដោយអំពាវនាវដល់សហគមន៍អន្តរជាតិ ជាពិសេសអង្គការសហប្រជាជាតិ ជួយអន្តរាគមន៍ទៅអាជ្ញាធរវៀតណាម ឲ្យដោះលែងយុវជនទាំងពីរនោះឡើងវិញ៕
3 comments:
Khmer Krom people " Som Teh Sok", and the evil Vietnam had never given them peace.
How about asking the evil Vietnam for autonomous state ? This way, at least you put the evil Vietnam in a defensive position.
Why ask the evil Yuon for a state? You already know the answer. The evil Yuon are thieves and killers. Freedom isn't free. Either fight or flee. Up to Khmers to make that decision. Time is running out. If you ask me, Khmers will do the same thing like the Ukrainians. They will flee west and start new. Khmers don't want to fight to save Cambodia. Very sad.
Asking means taking necessary steps for autonomous states
Post a Comment