ដោយ អាស៊ីសេរី
2023.05.08
កីឡាការិនីកូនខ្មែរកាត់អាមេរិកាំង ខាន់ ចេសា (Khan Jessa) (រូបកណ្ដាល) ទទួលមេដាយមាសក្នុងប្រភេទកីឡាជូជីតស៊ូ (Ju-Jitsu) កាលពីថ្ងៃទី៧ ឧសភា ២០២៣។
រូប៖ ហ្វេសប៊ុកលោក ទៀ បាញ់
កម្ពុជាទទួលបានមេដាយសរុបចំនួន ៧១គ្រឿង គិតត្រឹមម៉ោង ៦កន្លះ ល្ងាចថ្ងៃទី៧ ឧសភា ក្នុងព្រឹត្តិការណ៍ស៊ីហ្គេមលើកទី៣២។
ក្នុងនោះ២៧ គ្រឿងជាមេដាយមាស ២១គ្រឿងជាមេដាយប្រាក់ និង២៣គ្រឿងជាមេដាយសម្រិត។
ការទទួលបានមេដាយសរុប៧១គ្រឿងនេះធ្វើឲ្យកម្ពុជា ឈរនៅចំណាត់ថ្នាក់លេខ១ ជាបណ្ដោះអាសន្ន ខណៈប្រទេសឥណ្ឌូណេស៊ី ឈរនៅចំណាត់ថ្នាក់លេខ២ ដែលទទួលបានមេដាយសរុបចំនួន ៥០គ្រឿង ក្នុងនោះមេដាយមាសចំនួន១៦ គ្រឿងមេដាយប្រាក់ចំនួន ១១គ្រឿង និងចំណាត់ថ្នាក់លេខ៣ គឺប្រទេសថៃ ដែលទទួលបានមេដាយសរុបចំនួន៥១ គ្រឿង ក្នុងនោះមេដាយមាសចំនួន១៥គ្រឿង មេដាយប្រាក់ចំនួន ១៥គ្រឿង។
ការប្រកួតនៅថ្ងៃដដែលនេះ គឺដើម្បីដណ្ដើមមេដាយមាសសរុបចំនួន ៤៦មេដាយ លើវិញ្ញាសាកីឡាគុនខ្មែរ កីឡាគុនល្បុក្កតោ កីឡាអេឡិចត្រូនិក(E-SPORT) និងកីឡាមួយចំនួនទៀត៕
No comments:
Post a Comment