Khmer Circle:
IN the dark, violent world of the mafia, an ambitious young gangster who aspires to rise to the very top of the criminal underworld by any means - hook or crook - may often have to make only one compromise: being below 'one man', but above all other men. This is the world and hierarchy system in which Hun Sen operates. All other formalities and refinements are secondary at best and can be weaponised against potential rivals or opponents posing any threat to his power base or discarded as nominal and irrelevant.
^^^
តុលាការខេត្តកំពង់ស្ពឺពន្យារពេលប្រកាសសាលក្រមសំណុំរឿងរបស់ឪពុក លោក ស៊ន តារា នៅដើមខែក្រោយ ខណៈមន្ត្រីសង្គមស៊ីវិលនៅតែមានមន្ទិលសង្ស័យលើក្ដីក្ដាំនេះ និងទាមទារឱ្យតុលាការដោះលែងជនជាប់ឃុំដោយឥតលក្ខខណ្ឌ។
ចៅក្រមនៃសាលាដំបូងខេត្តកំពង់ស្ពឺបានបើកសវនាការជំនុំជម្រះសំណុំរឿងឪពុក អ្នកអត្ថាធិប្បាយនយោបាយដ៏ល្បីឈ្មោះលោក ស៊ន តារា គឺ លោក សុខ ស៊ុនណារ៉េតនៅព្រឹកថ្ងៃទី៩ខែកក្កដា។
អ្នកនាំពាក្យសមាគមការពារសិទ្ធិមនុស្សអាដហុក(Adhoc) លោក យិន ម៉េងលី បានប្រាប់វិទ្យុអាស៊ីសេរីនៅថ្ងៃទី៩ខែកក្កដាថា តំណាងអយ្យការនិងចៅក្រមបានសួរដេញដោលខ្លាំងផ្ដោតលើបញ្ហាថ្នាំញៀននៅក្នុងឡានរបស់លោក សុខ ស៊ុនណារ៉េត។ លោកបានបន្តថា លោក សុខ ស៊ុនណារ៉េត បានអះអាងនៅចំពោះមុខអង្គជំនុំជម្រះថា ថ្នាំញៀនដែលសមត្ថកិច្ចបានយកចេញពីក្នុងឡានរបស់លោកនោះ គឺពុំមែនរបស់គាត់ឡើយ។
លោកបានបញ្ជាក់ថា រឿងនេះមានមន្ទិលសង្ស័យ ខណៈសមត្ថកិច្ចដែលជាសាក្សីមិនបានចូលរួមក្នុងសវនាការនោះទេ ដែលធ្វើឱ្យមេធាវីការពារក្ដីឱ្យជនជាប់ចោទ មិនអាច សួរដេញដោលដោះបន្ទុកឱ្យកូនក្ដីបាន។ លោកទាមទារឱ្យតុលាការទម្លាក់ការចោទប្រកាន់លោក សុខ ស៊ុនណារ៉េត និងដោះលែងគាត់ដោយឥតលក្ខខណ្ឌ។
នៅពេលយើងធ្វើការឆែកឆេរអត់បានត្រឹមត្រូវ វាធ្វើឱ្យដូចជនជាប់ចោទគាត់និយាយអីចឹងគាត់ថា សារធាតុញៀនយកចេញពីឡានរបស់គាត់ ប៉ុន្តែមិនមែនរបស់គាត់។ ន័យត្រង់នេះ គឺជនចាប់ចោទគាត់និយាយល្អណាស់ បង្កប់អត្ថន័យយ៉ាងជ្រាលជ្រៅដែលសុំឱ្យចៅក្រមហ្នឹង ធ្វើការពិចារណាត្រង់អត្ថន័យនឹង។អ៊ីចឹង នៅពេលដែលជនជាប់ចោទ គាត់និយាយរៀបនេះ ហើយអវត្តមានសាក្សីថែមទៀត វានៅតែស្ថិតក្នុងវិមតិសង្ស័យ(សេចក្ដីសង្ស័យមិនដាច់ស្រេច)។ អ៊ីចឹង បើវាឋិតនៅក្នុងវិមតិសង្ស័យ ជាគោលការណ៍ច្បាប់វានៅតែជាប្រយោជន៍ដល់ជនជាប់សង្ស័យនេះឯង។
— លោក យិន ម៉េងលី
សវនាការនេះមានការចូលរួមឃ្លាំមើលពីការិយាល័យឧត្ដមស្នងការអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំនៅកម្ពុជា អង្គការអាដហុក និងអង្គការសង្គមស៊ីវិលមួយចំនួនទៀត។
តុលាការបានបិទបញ្ចប់សវនាការក្ដីក្ដាំនេះនៅព្រឹកថ្ងៃដដែល បន្ទាប់ពីបានសួរដេញដោលជនជាប់ឃុំអស់រយៈពេលប្រមាណ២ម៉ោង។ ចៅក្រមជំនុំជម្រះលោក ខាន់ សុខា នឹងប្រកាសសាលក្រមសំណុំរឿងនេះនៅថ្ងៃទី៦ខែសីហាខាងមុខ។
កាលពីថ្ងៃទី១៣ ខែវិច្ឆិកា ឆ្នាំ២០២៤ កងរាជអាវុធហត្ថខេត្តកំពង់ស្ពឺ បានចាប់ខ្លួនលោក សុខ ស៊ុនណារ៉េត អំឡុងពេលមេបញ្ជាការភូមិភាគ៣ ហៅទៅជួប។ តុលាការខេត្តកំពង់ស្ពឺ បានចោទប្រកាន់លោក សុខ ស៊ុន ណារ៉េត ពីបទរក្សាទុកសារធាតុញៀនដោយខុសច្បាប់។ ប៉ុន្តែលោក សុខ ស៊ុណារ៉េត បានបដិសេធការចោទប្រកាន់នេះ៕
ប្រធានព្រឹទ្ធសភាលោក ហ៊ុន សែន ធ្លាប់ព្រមានដកតំណែងឪពុក និងប្អូនថ្លៃស្រីរបស់លោក ស៊ន តារា ចេញពីក្របខណ្ឌការងាររដ្ឋ ប្រសិនបើ លោក ស៊ន តារា បន្តរិះគន់លោក និងលោក ហ៊ុន ម៉ាណែត ទៀត៕
1 comment:
It is time for the subhuman Hun Sen knows how to distinguish between wrong and right.
This evil Hun Sen has committed so many vital mistakes but he always got away with it.
Post a Comment