Khmer Circle:
It's well documented that most heads of these illegal syndicate operations are linked to or protected by Hun Sen, so how are these provincial governors to deal with them without losing their own heads? In fact, some of these syndicate chiefs are holding positions within the political setup that are more powerful than the provincial governors themselves.
^^^
លោកនាយករដ្ឋមន្ត្រី ហ៊ុន ម៉ាណែត បានចេញបញ្ជាឱ្យកងទ័ពគ្រប់អង្គភាពត្រៀមជួយគាំទ្រដល់អាជ្ញាធរតាមបណ្ដារាជធានី-ខេត្ត ដើម្បីបង្ក្រាបលើក្រុមឆបោកតាមអនឡាញ។ លោកបានព្រមានថា បើអភិបាលខេត្តណា មិនបានបង្ក្រាបលើក្រុមឆបោកឱ្យបានម៉ឺងម៉ាត់ នឹងប្រឈមត្រូវដកចេញពីតំណែង។
លោក ហ៊ុន ម៉ាណែត បានចេញបញ្ជាឱ្យអភិបាលរាជធានី-ខេត្ត និងស្នងការរាជធានី-ខេត្ត ត្រូវធ្វើជាម្ចាស់ការ បោសសម្អាតទីតាំងឆបោកតាមអនឡាញឱ្យអស់ពីភូមិសាស្ដ្ររបស់ខ្លួន និងបានបញ្ជាឱ្យមេបញ្ជាការទ័ពជើងគោក ជើងទឹក រួមទាំងកងទ័ពពិសេស កងទ័ពនៅបញ្ជាការដ្ឋានកងអង្គរក្ស កងពលតូចលេខ៧០ និងកងរាជអាវុធលើផ្ទៃប្រទេស ត្រូវត្រៀមកម្លាំងចេញប្រតិបត្តិការគាំទ្រដល់វិធានការបោសសម្អាតនេះ។
នៅបទបញ្ជាស្ដីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យាឬអនឡាញ(Online) ចុះថ្ងៃទី១៤ ខែកក្កដា លោក ហ៊ុន ម៉ាណែត បានលើកឡើងថា សកម្មភាពឆបោកតាមអនឡាញ កំពុងគំរាមកំហែងនិងបង្កអសន្ដិសុខក្នុងតំបន់និងពិភពលោក ដែលតម្រូវឱ្យកម្ពុជាត្រូវរួមចំណែកប្រយុទ្ធប្រឆាំងនឹងករណីឆបោកនេះឱ្យមានប្រសិទ្ធភាពខ្ពស់។ នៅក្នុងបទបញ្ជានេះបានបញ្ជាក់ថា ក្រសួងមហាផ្ទៃត្រូវតែបណ្ដេញជនបរទេសដែលចូលមកកម្ពុជាដោយខុសច្បាប់ និងធ្វើសកម្មភាពខុសច្បាប់ ហើយអភិបាលខេត្តនៅតាមព្រំដែន ត្រូវទប់ស្កាត់ជនបរទេសដែលលួចឆ្លងដែនខុសច្បាប់ទាំងតាមផ្លូវគោកនិងផ្លូវទឹក រួមទាំងការចុះត្រួតពិនិត្យតាមកាស៊ីណូ ដើម្បីទប់ស្កាត់ការចាប់ជំរិត ការធ្វើទារុណកម្ម និងបង្ខាំងមនុស្សដោយខុសច្បាប់ ការជួញដូរមនុស្ស និងផ្លូវភេទ ការជួញដូរអាវុធ និងគ្រឿងញៀនជាដើម។
បន្ទាប់ពីមានបទបញ្ជាពីលោក ហ៊ុន ម៉ាណែត ក្រសួងយុត្តិធម៌បានព្យួរតួនាទីព្រះរាជអាជ្ញារងខេត្តពោធិ៍សាត់ គឺលោក គ្រី សីហា ពាក់ព័ន្ធការដោះលែងជនល្មើសឆបោកតាមប្រព័ន្ធបច្ចេកវិទ្យានៅខេត្តពោធិ៍សាត់។ ស្រដៀងគ្នានេះ យ៉ាងហោចណាស់ជនសង្ស័យជិត២០០នាក់ដែលសុទ្ធសឹងជាជនបរទេសត្រូវបានចាប់ខ្លួន។ អាជ្ញាធររាជធានី ភ្នំពេញ បានបង្រ្កាបបទល្មើសឆបោកអនឡាញពីរកន្លែង ឃាត់ជនសង្ស័យជាង១០០នាក់ ក្នុងនោះដូចជា ជនជាតិចិន វៀតណាម តៃវ៉ាន់។ ចំណែកនៅខេត្តព្រះសីហនុ សមរត្ថកិច្ច បង្ក្រាបទីតាំងសង្ស័យឆបោកតាមអនឡាញចំនួន៦កន្លែង និងឃាត់បានជនជាតិវៀតណាម៦៣នាក់ និងខ្មែរម្នាក់ បួករួមទាំងឧបករសម្ភាសមួយចំនួនទៀត។
ចំណាត់ការរដ្ឋាភិបាលលោក ហ៊ុន ម៉ាណែត នៅពេលនេះ បានធ្វើឡើងស្របពេលប្រទេសនៅអាស៊ីអាគ្នេយ៍មួយចំនួន រូមមានភូមា ឡាវ ថៃ និងកម្ពុជា គឺជា
មជ្ឈមណ្ឌលកណ្ដាលរបស់ក្រុមឧក្រិដ្ឋជនឆ្លងដែនដ៏ធំមួយរបស់ពិភពលោក ពាក់ព័ន្ធនឹងការជួញដូរមនុស្ស ការចាប់ចំរិត និងការឆបោកតាមអនឡាញ។
កាលពីចុងខែមិថុនាអង្គការលើកលែងទោសអន្តរជាតិ (Amnesty International) បានចេញផ្សាយរបាយការណ៍ស្ដីពីការរកឃើញទីតាំងឆបោកចំនួន៥៣កន្លែង និងទីតាំងសង្ស័យជាកន្លែងឆបោកចំនួន៤៥កន្លែងផ្សេងទៀតនៅកម្ពុជា។ អង្គការនេះបានបញ្ជាក់ថា ទីតាំងឆបោកទាំងនោះ ភាគច្រើនគ្រប់គ្រងដោយក្រុមជនសង្គមងងឹតចិន ដែលទីតាំងខ្លះ បានប្រើបន្ទប់ងងឹតធ្វើជាគុកសម្រាប់ដាក់ទោសនិងធ្វើទារុណកម្ម រួមទាំងប្រើខ្សែនិងដំបងឆក់លើបុគ្គលិក ដែលមានទាំងស្រ្ដីនិងកុមារ ដើម្បីបង្ខំឱ្យធ្វើរូបសកម្មភាពឆបោកតាមអនឡាញ៕
No comments:
Post a Comment