មន្ត្រីជាន់ខ្ពស់កម្ពុជាបានលើកឡើងថា ទាហានថៃពិតជាបានប្រើល្បិចបក់ដៃហៅទាហានខ្មែរ២០នាក់ ទៅចាប់ដៃចរចាគ្នា នៅចំណុចសមរភូមិជាំតែ ហើយបានភ្ជង់ព័ទ្ធចាប់ខ្លួន។
មេបញ្ជាការតំបន់ប្រតិបត្តិការសឹករងព្រះវិហារលោក ច័ន្ធ សុភ័ក្រ្ដា បានទទួលស្គាល់ថា កាលពីថ្ងៃទី២៩ ខែកក្កដា ទាហានថៃបានប្រើកលល្បិចបក់ហៅទាហានកម្ពុជា២០នាក់ ទៅចាប់ដៃស្វាគមន៍គ្នា បន្ទាប់ពីមានបទឈប់បាញ់ ប៉ុន្តែក្រោយពីបាននិយាយសំណេះសំណាលដោយញញឹមរាក់ទាក់ ហើយសុំថតរូបជុំគ្នាជាមួយទាហានកម្ពុជា ស្រាប់តែទាហានថៃដែលបង្កប់ខ្លួននៅក្នុងព្រៃ ចេញមកព័ទ្ធភ្ជង់ទាហានខ្មែរទាំង២០នាក់ ដើម្បីចាប់ខ្លួន ប៉ុន្តែក្នុងនោះ មានទាហានខ្មែរម្នាក់បានរត់រួច។
លោក ច័ន្ទ សុភ័ក្ដ្រា បានប្រាប់បណ្ដាអនុព័ន្ធយោធាស្ថានទូតចំនួន១៣ប្រទេស ដែលចុះពិនិត្យស្ថានភាពនៃការអនុវត្តបទឈប់បាញ់នៅព្រំដែនចក្រអានសេះ នៅថ្ងៃទី៣០ ខែកក្កដាទៀតថា នៅក្នុងចំណោមទាហានខ្មែរទាំងនោះ អាចមានទាហានពីរនាក់ ត្រូវបានទាហានថៃបាញ់សម្លាប់ បន្ទាប់ពីបានព័ទ្ធចាប់ខ្លួន។
No comments:
Post a Comment