ក្រុមអ្នកសង្កេតការណ៍បណ្ដោះអាសន្នចំនួន៧ប្រទេស ដឹកនាំដោយអនុព័ន្ធយោធាស្ថានទូតម៉ាឡេស៊ី បានចុះពិនិត្យទីតាំងក្រុមយោធាថៃ ដាក់រាយបន្លាលួសនិងកង់ឡានរំលោភចូលភូមិឋានពលរដ្ឋខ្មែរ ស្ថិតនៅក្នុងបន្ទាយមានជ័យ។
ទំព័រហ្វេសប៊ុកក្រសួងការពារជាតិបានចុះផ្សាយថា នៅរសៀលថ្ងៃទី១៤ ខែសីហា ក្រុមអ្នកសង្កេតការណ៍អន្តរកាលអាស៊ានចំនួន៧ប្រទេស រួមមានប្រ៊ុយណេ ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងវៀតណាម ដឹកនាំដោយអនុព័ន្ធយោធាម៉ាឡេស៊ី បានចុះពិនិត្យស្ថានភាពបទឈប់បាញ់នៅតាមព្រំដែនកម្ពុជានិងថៃ ចំនួន៤ទីតាំង គឺនៅយោធភូមិភាគទី៥ ក្នុងខេត្តបាត់ដំបង និងនៅច្រកព្រំដែនបឹងត្រកូន ច្រកព្រំដែនអូរបីជាន់ និងច្រកព្រំដែនអន្តរជាតិប៉ោយប៉ែត ក្នុងខេត្តបន្ទាយមានជ័យ។
No comments:
Post a Comment