រដ្ឋមន្ត្រីការបរទេសកម្ពុជាបានដាក់លិខិតទៅអង្គការសហប្រជាជាតិ បញ្ជាក់ពីភាពផុយស្រួយនៃបទឈប់បាញ់ ដែលបង្កឡើងពីសកម្មភាពរំលោភបំពានរបស់កងទ័ពថៃ។ ការដាក់លិខិតពីភាគីកម្ពុជានេះ ស្របពេលកងទ័ពថៃបន្តព្រមានត្រៀមបើកការវាយប្រហារជាថ្មីលើកម្ពុជា។
អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជាលោក ជុំ សុន្ទរី បានថ្លែងនៅក្នុងសន្និសីទសារព័ត៌មាននៅថ្ងៃទី១២ ខែសីហាថា រដ្ឋមន្រ្តីលោក ប្រាក់ សុខុន បានសរសេរលិខិតដាច់ដោយឡែកចំនួនពីរចុះថ្ងៃទី១១ ខែសីហា ផ្ញើទៅប្រធានក្រុមប្រឹក្សាសន្ដិសុខអង្គការសហប្រជាជាតិ និងអគ្គលេខាធិការអង្គការសហប្រជាជាតិ ដើម្បីរាយការណ៍ថា កិច្ចព្រមព្រៀងបទឈប់បាញ់រវាងកម្ពុជានិងថៃ កំពុងរងការគំរាមកំហែងកាន់តែធ្ងន់ធ្ងរ ដោយសារកងទ័ពថៃបានបង្កើនការរំលោភចូលដែនអធិបតេយ្យភាព និងបូរណភាពទឹកដីកម្ពុជា។
លោកបានបន្តថា នៅក្នុងលិខិតនោះ បានលើកឡើងពីសកម្មភាពទាហានថៃបញ្ជូនគ្រឿងចក្រធន់ធ្ងន់ចូលឈូសឆាយធ្វើផ្លូវ និងជីកលេណដ្ឋានជាច្រើនកន្លែងក្នុងទឹកដីកម្ពុជា រួមទាំងដាក់រាយបន្លាលួស និងរុះរើផ្ទះសម្បែងពលរដ្ឋខ្មែរនៅចំណុចចក្រអានសេះ ស្ថិតក្នុងស្រុកជាំក្សាន្ត ខេត្តព្រះវិហារជាដើម។
ដែលនេះជាការបំពានយ៉ាងច្បាស់លើច្បាប់អន្តរជាតិ និងកិច្ចព្រមព្រៀងទ្វេភាគីដែលមានសុពលភាពតាមផ្លូវច្បាប់។ ចាប់តាំងពីបទឈប់បាញ់ចូលធរមាននៅថ្ងៃទី២៨ ខែកក្កដា ឆ្នាំ២០២៥មក កងកម្លាំងយោធាថៃ បានបន្តជ្រៀតចូលទឹកដីដោយខុសច្បាប់ជាញឹកញាប់ ដោយបានដាក់រាយបន្លាលួស និងសាងសង់ផ្លូវនៅកន្លែងជាច្រើន។
— លោក ជុំ សុន្ទរី
លោក ជុំ សុន្ទរី បានបញ្ជាក់ទៀតថា លោក ប្រាក់ សុខុន ក៏បានរាយការណ៍ទៅអង្គការសហប្រជាជាតិ ជុំវិញការព្រមានកាលពីថ្ងៃទី១០ ខែសីហា របស់មេទ័ពភូមិភាគ២របស់ថៃគឺលោក ប៊ុនស៊ីន ផាត់ឃ្លាំង (Boonsin Padklang) ដែលថានឹងវាយចូលកាន់កាប់ប្រាសាទតាក្របី រួមទាំងបិទប្រាសាទតាមាន់ធំ ខណៈប្រាសាទទាំងនោះ ស្ថិតក្នុងទឹកដីកម្ពុជា បើយោងតាមផែនទីទទួលស្គាល់ជាអន្តរជាតិខ្នាត១លើ២០០ពាន់ ផលិតឡើងពីគណៈកម្មការព្រំដែនចម្រុះបារាំង-សៀម អនុលោមតាមអនុសញ្ញាឆ្នាំ១៩០៤ និងសន្ធិសញ្ញាឆ្នាំ១៩០៧ រួមទាំងឯកសារមានតម្លៃជាគតិយុត្តិជាច្រើនផ្សេងទៀត។
លោកបានបញ្ជាក់ថា កម្ពុជាទាមទារឱ្យកងទ័ពថៃគោរពធម្មនុញ្ញអង្គការសហប្រជាជាតិ និងធម្មនុញ្ញអាស៊ាន ត្រូវបញ្ឈប់ការឈ្លានពាន និងកាន់កាប់ទឹកដីកម្ពុជាដោយខុសច្បាប់ រួមទាំងត្រូវដកកម្លាំងនិងឧបករណ៍ទាំងអស់ចេញពីទឹកដីកម្ពុជា ហើយអនុវត្តឱ្យបានពេញលេញនិងដោយគ្មានលក្ខខណ្ឌនូវបទឈប់បាញ់ចុះថ្ងៃទី២៨ ខែកក្កដា និងកំណត់ហេតុព្រមព្រៀងចុះថ្ងៃទី០៧ ខែសីហា។
1 comment:
NGEUP MUOY VAY MUOY. GOOD KHMER PATRIOTS NGORP KTICH.
KEEP GOING AH LNGI LGNEU HUN SEN.
Just remember that the implication of the leaked audio will linger with Cambodia long after Ah LNGI LNgeu Hun Sen die.
The biggest problem lies with the maritime border. When the time for the talk of the maritime border arrives, then we will see how stupid Hun Sen is.
Post a Comment