Manekseka Sangkum: Doesn't any one in this regime even bother to think through before proposing things like this? Complete and utter insanity...
>>>
ដោយ ទីន ហ្សាការីយ៉ា
2016-12-18
វិហារឥស្លាមថ្មីនៅតំបន់បឹងកក់ ដែលត្រូវបានសម្ពោធឲ្យប្រើប្រាស់ជាផ្លូវការនៅថ្ងៃទី២៧ មីនា ២០១៥។
RFA/Tin Zakariya
សាសនិកឥស្លាមជាច្រើនបានបញ្ចេញប្រតិកម្មជំទាស់ទៅនឹងគម្រោងចុះវាស់វែងធ្វើផ្លូវកាត់វិហារបឹងកក់របស់សាលារាជធានីភ្នំពេញ នៅព្រឹកថ្ងៃទី១៩ ធ្នូ ដែលអ្នកខ្លះបានបញ្ចេញមតិនៅក្នុងហ្វេសប៊ុក (Facebook) និងចែករំលែក (share) បន្តពីមួយទៅមួយ។
ការបញ្ចេញប្រតិកម្មជំទាស់នេះ ធ្វើឡើងភ្លាមៗក្រោយពីពួកគេបានឃើញលិខិតអញ្ជើញរបស់សាលារាជធានីភ្នំពេញ ចុះថ្ងៃទី១៦ ធ្នូ ដែលគេផ្សព្វផ្សាយនៅថ្ងៃទី១៨ ធ្នូ ដោយបោះត្រាលើខ្នងលិខិតនោះថា "ប្រញាប់ណាស់" អញ្ជើញតំណាងគណៈកម្មការវិហារឥស្លាមតំបន់បឹងកក់ ចូលរួមចុះវាស់វែងបើកផ្លូវ R4 កាត់វិហារ ក្រោមអធិបតីភាពលោក ឃួង ស្រេង អភិបាលរងសាលារាជធានីភ្នំពេញ។
អ្នកខ្លះទៀតបានសរសេរទៅកាន់ទំព័រហ្វេសប៊ុកលោកនាយករដ្ឋមន្ត្រី ហ៊ុន សែន ផ្ទាល់ ដើម្បីសុំឲ្យឈប់ធ្វើផ្លូវកាត់វិហារនេះ ដែលមានខ្លឹមសារដូចជា «ក្នុងនាមមូស្លីមនៅកម្ពុជា និងជាអ្នកបានចូលរួមអភិវឌ្ឍសហគមន៍ខ្មែរឥស្លាមដែរ ខ្ញុំសូមគោរពស្នើសុំសម្ដេចជួយអន្តរាគមន៍អំពីគម្រោងធ្វើផ្លូវកាត់ដីវិហារបឹងកក់ ដោយស្នើឲ្យធ្វើវាងតាមរបង ដូចផ្លូវវាងវត្តនៅរកាខ្នុរ ស្រុកក្រូចឆ្មារ ខេត្តត្បូងឃ្មុំ សូមសម្ដេចតេជោមេត្តាជួយអន្តរាគមន៍អំពីបញ្ហានេះផង»។ អ្នកខ្លះទៀតថា «ពួកគេនឹងជំទាស់គម្រោងធ្វើផ្លូវនេះជាដាច់ខាត ពីព្រោះថាវិហារ គឺជាទីតាំងស្ងប់ស្ងាត់សម្រាប់គោរពប្រតិបត្តិសាសនា មិនខុសពីទីវត្តអារាមនោះឡើយ»។
សាសនិកឥស្លាមខ្លះលើកឡើងថា លិខិតអញ្ជើញឲ្យចុះវាស់វែងនេះ គឺផ្ទុយពីអ្វីដែលអភិបាលរាជធានីភ្នំពេញ លោក ប៉ា សុជាតិវង្ស បានសន្យានៅពេលបើកវេទិកានៅក្នុងបរិវេណវិហារបឹងកក់ កាលពីថ្ងៃទី៧ ខែកញ្ញា ថា គម្រោងធ្វើផ្លូវកាត់វិហារបឹងកក់នេះ គឺសាលារាជធានីភ្នំពេញ នឹងបើកការពិភាក្សាជាច្រើនទៀតរហូតដល់មានចំណុចព្រមព្រៀងរួមមួយ ក៏ប៉ុន្តែតាំងពីពេលនោះមក សាលារាជធានីភ្នំពេញ មិនបានបើកកិច្ចពិភាក្សាជាមួយក្រុមអ្នកជំទាស់គម្រោងធ្វើផ្លូវនេះនៅឡើយ៕
No comments:
Post a Comment