ដោយ សាន សែល
2017-03-13
បណ្ឌិត ឡៅ ម៉ុងហៃ អ្នកវិភាគឯករាជ្យ (ឆ្វេង) និងលោកមេធាវី សុក សំអឿន ប្រធានការិយាល័យមេធាវីក្រុមអ្នកច្បាប់អមរិន្ទ្រ ក្នុងកម្មវិធីវេទិកាអ្នកស្ដាប់វិទ្យុអាស៊ីសេរី កាលពីយប់ថ្ងៃទី១០ ខែកុម្ភៈ ឆ្នាំ២០១៧។ RFA
Photo: RFA
អ្នកច្បាប់ និងអ្នកវិភាគនយោបាយ បញ្ជាក់ថា ការបញ្ចេញការសន្ទនាឯកជនជាសាធារណៈដែលប៉ះពាល់ដល់សិទ្ធិឯកជនត្រូវបានការពារដោយច្បាប់ អាចត្រូវទប់ស្កាត់បានតាមរយៈការពង្រឹងការអនុវត្តច្បាប់ដែលមានស្រាប់ ជាជាងបង្កើតច្បាប់ថ្មី។
ការលើកឡើងនេះ បន្ទាប់ពីមន្ត្រីសិទ្ធិមនុស្សជាន់ខ្ពស់របស់រដ្ឋាភិបាល បង្ហាញគំនិតចង់បង្កើតច្បាប់ថ្មីដើម្បីការពារសិទ្ធិឯកជន។
ធ្លាប់កើតមានហើយការសន្ទនាឯកជនជាស៊េរី ដែលត្រូវគេសង្ស័យថាជារបស់មេដឹកនាំជាន់ខ្ពស់គណបក្សសង្គ្រោះជាតិ ជាមួយស្រីកំណាន់ ការសន្ទនាដែលគេសង្ស័យថាជារបស់ក្រុមគ្រួសារលោកនាយករដ្ឋមន្ត្រីជាមួយក្រុមអ្នករកស៊ី និងតារាហ្វេសប៊ុក (facebook) ត្រូវបានផ្សព្វផ្សាយជាសាធារណៈលើអ៊ីនធឺណិត ពិសេសសំឡេងសន្ទនាឯកជនរបស់អ្នកដែលស្លាប់ ក៏ត្រូវបានទម្លាយដែរ។
សារសន្ទនាដែលលេចធ្លាយខ្លះបណ្ដាលឲ្យម្ចាស់សារដែលគេសង្ស័យ ត្រូវតុលាការផ្ដន្ទាទោសជាប់ពន្ធនាគារ។
អ្នកជំនាញផ្នែកច្បាប់លើកឡើងថា ការបញ្ចេញសារសន្ទនាសម្ងាត់បែបនេះ គឺបំពានច្បាប់ និងប៉ះពាល់ដល់សិទ្ធិឯកជន ដែលជាផ្នែកសំខាន់នៃសិទ្ធិមនុស្ស។
កាលពីថ្ងៃទី១០ មីនា លោក កែវ រ៉េមី ប្រធានគណៈកម្មាធិការសិទ្ធិមនុស្សរបស់រដ្ឋាភិបាល ដែលជារឿយៗច្រានចោលរបាយការណ៍បង្ហាញពីការធ្លាក់ចុះការគោរពសិទ្ធិមនុស្សនៅកម្ពុជា ក៏ព្រួយបារម្ភពីការមិនមានសុវត្ថិភាពនៃការសន្ទនាគ្នាតែពីរនាក់ តែត្រូវបានគេទម្លាយជាសាធារណៈតាមមធ្យោបាយប្រព័ន្ធបច្ចេកវិទ្យាទំនើបនេះដែរ។
ទោះបីជានៅប្រទេសកម្ពុជា មានច្បាប់មួយចំនួនចែងពីការការពារសិទ្ធិឯកជនហើយក៏ដោយ មន្ត្រីជាន់ខ្ពស់របស់រដ្ឋាភិបាលរូបនេះផ្តល់យោបល់ថា កម្ពុជា ត្រូវការច្បាប់ថ្មីដាច់ដោយឡែកមួយទៀត ដើម្បីធានាការសម្ងាត់នៃការសន្ទនាជាលក្ខណៈឯកជននេះបាន។
ក៏ប៉ុន្តែអ្នកជំនាញផ្នែកច្បាប់ លោក សុក សំអឿន ប្រធានការិយាល័យមេធាវីក្រុមអ្នកច្បាប់អមរិន្ទ្រ មិនយល់ស្របថា ច្បាប់ថ្មីអាចរក្សាសិទ្ធិឯកជនបានប្រសើរទេ ប្រសិនបើការអនុវត្តច្បាប់នៅខ្វះប្រសិទ្ធភាព។ លោកមេធាវីផ្តល់យោបល់ថា អាជ្ញាធរគួរពង្រឹងការអនុវត្តច្បាប់មានស្រាប់ ដែលត្រូវបានចែងក្នុងក្រមព្រហ្មទណ្ឌ និងច្បាប់ស្ដីពីទូរគមនាគមន៍ ដើម្បីទប់ស្កាត់ការលួចថតសំឡេង និងការផ្សព្វផ្សាយជាសាធារណៈ៖ «ធ្វើច្បាប់មួយទៀតក៏បាន ក៏ប៉ុន្តែយើងមានច្បាប់ព្រហ្មទណ្ឌ។ យើងមានច្បាប់ទូរគមនាគមន៍ ដូចជាច្បាស់ហើយ។ ដូច្នេះ អនុវត្តឲ្យល្អតិចទៅ! ខ្ញុំមិនដឹងថា ទាល់អ្វីបានជាច្បាប់នេះគេមិនយកអនុវត្តទេ។ តែបើសិនជាមានការអនុវត្តត្រឹមត្រូវ អាច (ប្រើ) បានដូចគ្នា មិនចាំបាច់មានច្បាប់ផ្សេងទៀតក៏បានដែរ»។
ក៏ប៉ុន្តែលោកមេធាវី សុក សំអឿន ស្នើថា ប្រសិនបើរដ្ឋាភិបាលពិតជាត្រូវការច្បាប់ថ្មីមែននោះ ច្បាប់ថ្មីគួរត្រូវកំណត់នីតិវិធីឲ្យបានច្បាស់លាស់ ហើយរដ្ឋាភិបាលគួរបើកវេទិកាជជែកដេញដោល ដោយអនុញ្ញាតឲ្យសង្គមស៊ីវិល និងសាធារណជនចូលរួមបញ្ចេញយោបល់។
ក្រមព្រហ្មទណ្ឌត្រង់មាត្រា៣០១ និងច្បាប់ស្ដីពីទូរគមនាគមន៍ ត្រង់មាត្រា៩៧ បានចែងថា ការលបស្ដាប់ ឬការលបថតការសន្ទនាដោយការប្រើប្រាស់ប្រព័ន្ធទូរគមនាគមន៍ដោយគ្មានការយល់ព្រមពីបុគ្គលដែលពាក់ព័ន្ធនោះ ត្រូវផ្ដន្ទាទោសពន្ធនាគារពីមួយខែទៅមួយឆ្នាំ និងពិន័យជាប្រាក់ពីមួយសែនរៀល ដល់ពីរលានរៀល លើកលែងតែករណីដែលច្បាប់អនុញ្ញាត។
ក្រុមប្រឹក្សាសិទ្ធិមនុស្សអង្គការសហប្រជាជាតិ សង្កត់ធ្ងន់កាលពីសប្ដាហ៍មុនថា រដ្ឋាភិបាលទាំងឡាយនៅទូទាំងពិភពលោក គួរធានាថា សិទ្ធិឯកជន គឺជាសិទ្ធិសកល។
អ្នកនយោបាយហាក់កំពុងប្រើការទម្លាយសំឡេងសន្ទនាឯកជន ជាមធ្យោបាយវាយប្រហារគូប្រកួត។
លោកបណ្ឌិត ឡៅ ម៉ុងហៃ អ្នកវិភាគនយោបាយ ផ្តល់យោបល់ថា អ្នកនយោបាយគួរប្រកួតប្រជែងដោយស្មារតីវិជ្ជាជីវៈ ហើយមិនគួរប្រកាន់បក្សពួកខ្លាំងពេក និងចាត់ទុកជាខ្មាំងសត្រូវនោះទេ៖ «លទ្ធិប្រជាធិបតេយ្យនឹងប្រព្រឹត្តទៅបានល្អ លុះត្រាតែមានការយោគយល់គ្នា ការអត់ឱនគ្នា»។
ក្រុមប្រឹក្សាសិទ្ធិមនុស្សអង្គការសហប្រជាជាតិ គូសបញ្ជាក់ថា ការបោះឆ្នោតនៅកម្ពុជា ដែលគួរឲ្យទុកចិត្តបាន លុះត្រាតែអាជ្ញាធរធានាថា តុលាការត្រូវតែប្រកាន់ភាពឯករាជ្យ មិនលម្អៀង៕
1 comment:
When there are drum up charges or politically motivated charges against the activists and political commentators, did Dr loa mong hai ever commented or asked the monkeys to produce any the evidence?. I guess he didn't. If he did I sure I was unaware of it.
The other day Dr Loa took a swipe at political commentator Kim Sok now in jail that he should or must have the evidence to back up the allegation that the monkeys have killed Dr Kem Ley before he make the allegation. Dr loa continued that if Mr Kim Sok accused him of killing someone and no evidence produced,he would sue Mr Kim Sok too.Well, well Dr Loa got on edge for no reason.
I like to ask dr loa mong hai" if Mr kim sok had the evidence, do you think he would have stll been alive?. he would be dead like Dr Kem Ley.I am sure, when Dr kem ley was killed it certainly crossed dr loa's mind who might be involved. You know how blatant these monkeys when it comes to dissent
At this juncture, Dr loa you have given the monkey more credence to kill and put people jail more without any accountability. Is it good for the democracy in Cambodia?. My point exactly.
Post a Comment