ដោយ ឡេង ម៉ាលី
2017-08-02
រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក វង សូត ក្នុងទិវាអូទីស្សឹម (Autism) និងដោនសាំងដ្រូម ថ្ងៃទី២៦ ខែមេសា ឆ្នាំ២០១៧។
RFA/Van Vanndeth
អនុប្រធានអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) ប្រចាំតំបន់អាស៊ី លោក ហ្វីល រ៉ូប៊ឺតសុន (Phil Robertson) ចេញសេចក្ដីថ្លែងការណ៍នៅថ្ងៃទី២ សីហា ថា រដ្ឋមន្ត្រីសង្គមកិច្ច អតីតយុទ្ធជន និងយុវនីតិសម្បទា លោក វង សូត គួរតែត្រូវបណ្ដេញចេញពីការងារជាបន្ទាន់។
សេចក្ដីថ្លែងការណ៍បែបនេះ គឺដោយសារតែរដ្ឋមន្ត្រីរូបនេះថ្លែងដោយកំហឹង ដែលបង្ហាញថា លោកមិនបានយល់ដឹងអំពីសិទ្ធិមនុស្ស និងលទ្ធិប្រជាធិបតេយ្យទេ។ លោក ហ្វីល រ៉ូប៊ឺតសុន បន្តថា លោក វង សូត មិនសមជាអ្នកកាន់ការលើកកម្ពស់សង្គមកិច្ចទេ ពេលដែលលោកគិតថាមិនអីក្នុងការព្រមានវាយអ្នកណាហ៊ានបញ្ចេញមតិផ្ទុយពីរដ្ឋាភិបាល ឬជំទាស់តវ៉ាសន្តិវិធី ដោយដំបងឫស្សីនោះ។
លោក ហ្វីល រ៉ូប៊ឺតសុន ថាការថ្លែងបែបនេះបង្ហាញថា លោក វង សូត មានភាពអវិជ្ជាអំពីគោលការណ៍ប្រជាធិបតេយ្យទំនើប ពេលដែលលោកមិនបានគោរព ហើយលោកជាអ្នកនយោបាយដែលត្រូវបានជ្រើសរើសសម្រាប់ឲ្យធ្វើសេចក្ដីសម្រេចអំពីច្បាប់ និងគោលនយោបាយ ហើយជាអ្នករាជការដែលត្រូវធ្វើការមិនលម្អៀង និងតាមវិជ្ជាជីវៈនោះ៕
No comments:
Post a Comment