ដោយ ឡេង ម៉ាលី
2017-09-14
អគ្គលេខាធិការគណៈកម្មាធិការជាតិរៀបចំការបោះឆ្នោត លោក ទេព នីថា ថ្លែងក្នុងសន្និសីទកាសែតស្ដីពីការបូកសរុបព្រឹត្តិការណ៍ទូទៅនៃដំណើរការឃោសនាបោះឆ្នោតអាណត្តិទី៤ នៅថ្ងៃទី២ ខែមិថុនា ឆ្នាំ២០១៧។ RFA/Rach Vingur
RFA/Rach Vingur
មន្ត្រីគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប អះអាងថា ស្ថាប័ននេះនឹងអាចធ្វើកិច្ចការរៀបចំការបោះឆ្នោតបាន ទោះជាបាត់បង់ជំនួយពីអង្គការបរទេសពាក់ព័ន្ធការងារនេះខ្លះក្ដី។ ប៉ុន្តែ គ.ជ.ប យល់ថា អ្នកចុះឈ្មោះមានចំនួនទាប។
មន្ត្រីនាំពាក្យគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប លោក ហង្ស ពុទ្ធា អះអាងថា គ.ជ.ប នៅតែអាចគ្រប់គ្រងកិច្ចការរៀបចំការបោះឆ្នោតបាន នៅចំពោះមុខស្ថានការណ៍នយោបាយបច្ចុប្បន្ន។
ការអះអាងរបស់លោក គឺជាការឆ្លើយតបទៅចំពោះការដកចេញរបស់អង្គការ អិន.ឌី.អាយ (NDI) ពីប្រទេសកម្ពុជា។ អង្គការនេះធ្លាប់ធ្វើការពាក់ព័ន្ធនឹងការជំរុញដំណើរការលទ្ធិប្រជាធិបតេយ្យជាពិសេសអប់រំផ្សព្វផ្សាយការចុះឈ្មោះបោះឆ្នោត។ «»
ទាក់ទងករណីសិទ្ធិបណ្ដោះអាសន្ន ដូចជាប្រធានគណបក្សសង្គ្រោះជាតិ គឺលោក កឹម សុខា ដែលកំពុងជាប់ឃុំ ដែលថានឹងត្រូវដកឈ្មោះពីបញ្ជីឬយ៉ាងណានោះ លោកនៅមិនទាន់ប្រាកដទេ។ «»
ទោះជាយ៉ាងនេះក្ដី ទាំងលោក និងមន្ត្រី គ.ជ.ប ទទួលស្គាល់ថា ការងារចុះឈ្មោះ និងធ្វើបច្ចុប្បន្នភាពបញ្ជីបោះឆ្នោតថ្មី នៅពេលនេះបានដំណើរការទៅយឺត ហើយអ្នកមកចុះឈ្មោះបោះឆ្នោតថ្មី នៅមានចំនួនតិចខ្លាំង។
ទាក់ទងបញ្ហាចំនួនអ្នកចុះឈ្មោះបោះឆ្នោតទាប ត្រូវបានមន្ត្រីគណបក្សសង្គ្រោះជាតិមួយរូប គឺលោក លី រី ថ្លែងថា ជាការព្រួយបារម្ភមួយ ដែលលោកប៉ាន់ប្រមាណថា មានចំនួនប្រមាណ ៣០ ទៅ ៤០ភាគរយប៉ុណ្ណោះ។ លោកកត់សម្គាល់ថា បណ្ដាលមកពីការផ្សព្វផ្សាយយឺត។ «»
អគ្គលេខាធិការ គ.ជ.ប លោក ទេព នីថា មានប្រសាសន៍បញ្ជាក់ថា ការផ្សព្វផ្សាយព័ត៌មានចុះឈ្មោះពិតជាយឺតមែន។ ប៉ុន្តែឃុំណាដែលផ្សព្វផ្សាយហើយមានអ្នកមកចុះឈ្មោះច្រើន។ «»
លោកឲ្យដឹងថា ក្នុងរយៈពេល ១៣ថ្ងៃ នៃការចុះឈ្មោះថ្មីសម្រាប់ធ្វើបច្ចុប្បន្នភាពបញ្ជីបោះឆ្នោតឆ្នាំ ២០១៧នេះ គ.ជ.ប ចុះឈ្មោះបានជាង ៨ម៉ឺននាក់ (៨៥.៩៧៩នាក់) ហើយ ប៉ុន្តែចំនួនអ្នកមកចុះឈ្មោះតិចជាងពាក់កណ្ដាល បើប្រៀបធៀបទៅនឹងការចុះឈ្មោះឆ្នាំ២០១៦ ដែលមានចំនួន ២ម៉ឺននាក់ក្នុងមួយថ្ងៃ។ ចំនួនអ្នកចុះឈ្មោះនៅឆ្នាំ២០១៦ គឺមានជិត៨លាននាក់ (៧.៩៥០.០០០.៧១៦នាក់)។ លោកមានប្រសាសន៍ថា គ.ជ.ប នឹងអប់រំណែនាំបន្ថែមទៀត ដល់មន្ត្រីចុះឈ្មោះខ្លះ ដែលធ្វេសប្រហែស ឬមិនសូវយកចិត្តទុកដាក់ចំពោះការចុះឈ្មោះនៅពេលនេះ៕
1 comment:
Of course you can,asshole.Only way you asshole can't when the election free and fair. You will be lynched by the mob and your family can't find a piece of you to bury when the time comes.
Post a Comment