15 កញ្ញា 2017
ស៊ុន ណារិន
voa
លោកនាយករដ្ឋមន្ត្រី ហ៊ុន សែន ថ្លែងទៅកាន់កម្មកររោងចក្រកាត់ដេរសម្លៀកបំពាក់ នៅរាជធានីភ្នំពេញ នៅថ្ងៃទី៣០ ខែសីហា ឆ្នាំ២០១៧។ (AP Photo/Heng Sinith)
ក្នុងពេលជួបជាមួយកម្មករកាត់ដេរនៅភ្នំពេញនៅព្រឹកថ្ងៃសុក្រនេះ លោក ហ៊ុន សែន បានបង្កើនប្រតិកម្មប្រឆាំងនឹងអាមេរិក ដោយលោកថា ចំណាត់ការរបស់រដ្ឋាភិបាលផ្អាកការស្វែងរកអដ្ឋិធាតុ គឺជាការឆ្លើយតបទៅនឹងអាមេរិកដែលបានសម្រេចផ្អាកការផ្ដល់ទិដ្ឋាការដល់មន្ត្រីក្រសួងការបរទេសកម្ពុជាតាំងពីកម្រិតអគ្គនាយកដល់រដ្ឋមន្ត្រី។
ភ្នំពេញ —
លោកនាយករដ្ឋមន្ត្រី ហ៊ុន សែន នៅថ្ងៃសុក្រនេះ បានប្រកាសថា កម្ពុជាសម្រេចផ្អាកបណ្តោះអាសន្ននូវការស្វែងរកអដ្ឋិធាតុរបស់កងទ័ពអាមេរិកដែលបានបាត់ខ្លួននៅក្នុងប្រទេសកម្ពុជា ក្នុងសម័យសង្គ្រាមវៀតណាម ដែលនេះការឆ្លើយតបនឹងការសម្រេចដាក់ទណ្ឌកម្មទិដ្ឋាការមកលើកម្ពុជារបស់រដ្ឋបាលលោក ដូណាល់ ត្រាំ (Donald Trump)។
រដ្ឋាភិបាលសហរដ្ឋអាមេរិក កាលពីថ្ងៃពុធ បានប្រកាសលែងចេញទិដ្ឋាការប្រភេទមិនមែនអន្តោប្រវេសន៍ ឲ្យមន្ត្រីជាន់ខ្ពស់នៃក្រសួងការបរទេសកម្ពុជា ជាផ្នែកមួយនៃទណ្ឌកម្ម ដែលឆ្លើយតបនឹងក្រុមប្រទេសដែលមានការយឺតយ៉ាវ ឬមិនព្រមទទួលជនជាតិរបស់ខ្លួនពីសហរដ្ឋអាមេរិកវិញក្រោយពីពួកគេបានប្រព្រឹត្តកំហុស។
ក្នុងពេលជួបជាមួយកម្មករកាត់ដេរនៅភ្នំពេញនៅព្រឹកថ្ងៃសុក្រនេះ លោក ហ៊ុន សែន បានបង្កើនប្រតិកម្មប្រឆាំងនឹងអាមេរិក ដោយលោកថា ចំណាត់ការរបស់រដ្ឋាភិបាលផ្អាកការស្វែងរកអដ្ឋិធាតុ គឺជាការឆ្លើយតបទៅនឹងអាមេរិកដែលបានសម្រេចផ្អាកការផ្ដល់ទិដ្ឋាការដល់មន្ត្រីក្រសួងការបរទេសកម្ពុជាតាំងពីកម្រិតអគ្គនាយកដល់រដ្ឋមន្ត្រី។
លោក ហ៊ុន សែន បានថ្លែងថា៖ «ជាការឆ្លើយតប កម្ពុជាប្រាប់ទៅសហរដ្ឋអាមេរិកវិញថា កិច្ចសហប្រតិបត្តិរុករកអដ្ឋិធាតុ ឬក៏ថាឆ្អឹងខ្មោចអាមេរិកបាត់ខ្លួននៅកម្ពុជា…នឹងត្រូវផ្អាកជាបណ្តោះអាសន្ន»។
លោក ហ៊ុន សែន បានបញ្ជាក់បន្ថែមថា៖ «យើងក៏សូមប្រកាសថា យើងមិនលុបចោលទេ តែសុំផ្អាកជាបណ្តោះអាសន្ន បើអាមេរិកមិនផ្តល់ឲ្យយើងត្រឡប់មកវិញ យើងក៏មិនបន្តសហការជាមួយអាមេរិកលើបញ្ហានេះ ហើយសូមឪពុកម្តាយ និងក្រុមគ្រួសារនៃទាហានអាមេរិកបាត់ខ្លួន កុំបន្ទោសរដ្ឋាភិបាលកម្ពុជា បើចង់បន្ទោស បន្ទោសស្ថានទូតអាមេរិកនៅកម្ពុជា និងបន្ទោសរដ្ឋបាលអាមេរិកទៅ។ អ្នកឯងចេះធ្វើមកលើខ្ញុំ ខ្ញុំក៏ចេះធ្វើលើអ្នកឯងវិញដែរ។ នេះជាការឆ្លើយតបមួយទៅមួយមកតែប៉ុណ្ណឹងទេ»។
ទាហានអាមេរិកបួននាក់សែងមឈូសដែលត្រូវរុំដោយទង់ជាតិសហរដ្ឋអាមេរិក ហើយដែលមានតម្កល់អដ្ឋិធាតុគេសង្ស័យថាជារបស់អតីតទាហានអាមេរិកដែលបានបាត់ខ្លួនសម័យសង្គ្រាម នៅក្នុងពិធីមួយឯអាកាសយានដ្ឋានអន្តរជាតិភ្នំពេញ កាលពីថ្ងៃទី២ ខែមេសា ឆ្នាំ២០១៤។ អដ្ឋិធាតុទាំងនោះត្រូវបានគេរកឃើញនៅក្នុងខេត្តកំពង់ចាម។ (AP Photo/Heng Sinith)
បើតាមរបាយការណ៍របស់អាមេរិក ទាហានអាមេរិកដែលបានបាត់ខ្លួននៅកម្ពុជា មានចំនួន៩០នាក់ ហើយក្នុងនោះ៤២នាក់ត្រូវបានរកឃើញហើយ រហូតមកដល់ពេលនេះ។ ទាហានអាមេរិកសរុបចំនួន២៦៤៦នាក់ បានបាត់ខ្លួន ក្នុងប្រទេសវៀតណាម ឡាវ កម្ពុជា និងប្រទេសចិន កាលពីសម័យសង្គ្រាមវៀតណាម។ អដ្ឋិធាតុទាហានអាមេរិកជាង១៦០០នាក់ នៅបន្តបាត់ខ្លួន រហូតមកដល់ពេលនេះ ក្នុងនោះមានជាង១២០០នាក់ក្នុងទឹកដីវៀតណាម។
បើតាមលោក ហ៊ុន សែន កម្ពុជាបានធ្វើកិច្ចការស្វែងរកអដ្ឋិធាតុនេះ តាំងពីទសវត្សរ៍ឆ្នាំ១៩៨០ ហើយគម្រោងឆ្នាំក្រោយ ត្រូវធ្វើច្រើន នៅក្នុងខេត្តស្វាយរៀង រតនគិរី និងមណ្ឌលគិរី។
លោក ហ៊ុន សែន មានប្រសាសន៍ថា៖ «បើកការចរចាជាកញ្ចប់ បើសិនជាបើក។ អ្នកឯងផ្តល់ទិដ្ឋាការឲ្យខ្ញុំ ខ្ញុំផ្តល់ទិដ្ឋាការរុករកខ្មោចឲ្យអ្នកឯង។ ហ្នឹងហើយដែលហៅប្រទេសឯករាជ្យ និងអធិបតេយ្យ គឺវាយ៉ាងដូច្នេះ»។
បើតាមលោក ហ៊ុន សែន ក្រសួងការបរទេសកម្ពុជា នឹងផ្ញើកំណត់ទូតទៅកាន់សហរដ្ឋអាមេរិក នាពេលឆាប់ៗនេះ ជុំវិញការផ្អាកកិច្ចសហប្រតិបត្តិការ។
ឆ្លើយតបនឹងសំណួររបស់អ្នកកាសែតនៅព្រឹកថ្ងៃសុក្រនេះ ឯកអគ្គរដ្ឋទូតអាមេរិកប្រចាំកម្ពុជា លោក William Heidt បានថ្លែងថា ស្ថានទូតមិនទាន់បានទទួលកំណត់ទូតផ្លូវការណាមួយពីរដ្ឋាភិបាលកម្ពុជានោះទេ។ លោកចាត់ទុកថា ជារឿងសោកស្តាយមួយ ប្រសិនបើរដ្ឋាភិបាលកម្ពុជាសម្រេចផ្អាកកិច្ចសហប្រតិបត្តិការនេះ។
ឯកអគ្គរដ្ឋទូតអាមេរិកប្រចាំកម្ពុជាលោក William Heidt កំពុងផ្តល់បទសម្ភាសន៍ជាមួយអ្នកសារព័ត៌មានបន្ទាប់ពីពិធីស្បថចូលបំពេញការងារសំរាប់អ្នកស្ម័គ្រចិត្តថ្មី Peace Corps លើកទី១១កាលពីថ្ងៃទី១៥ កញ្ញា ២០១៧។(ទុំ ម្លិះ/VOA)
លោកបានថ្លែងថា៖ «ខ្ញុំមិនដឹងថាពាក្យពេចន៍នាយករដ្ឋមន្ត្រីខ្មែរយ៉ាងម៉េចនៅឡើយ។ ខ្ញុំក៏មិនទាន់ដឹងថា ពួកគេនឹងធ្វើអ្វី។ អ្នកដឹងទេ យើងឲ្យតម្លៃទៅលើគ្រប់ផ្នែកនៃទំនាក់ទំនងរបស់យើង។ យើងឲ្យតម្លៃកិច្ចសហប្រតិបត្តិការនេះ ហើយប្រសិនបើចង់ផ្អាកវា ហើយប្រសិនបើវាកើតឡើង វាជារឿងសោកស្តាយមួយ»។
អ្នកនាំពាក្យស្ថានទូតអាមេរិកប្រចាំកម្ពុជា លោក Arend Zwartjes បានថ្លែងប្រាប់VOAតាមរយៈអ៊ីម៉េល ឬសារអេឡិចត្រនិកថា រហូតមកដល់ពេលនេះ ស្ថានទូតបានឃើញប្រតិកម្មរបស់លោក ហ៊ុន សែន លើករណីនេះតាមរយៈទំព័រសារព័ត៌មាន។ តែស្ថានទូតមិនទាន់ទទួលបានកំណត់ទូតណាមួយជាផ្លូវការពីរដ្ឋាភិបាលខ្មែរនៅឡើយ។
លោកបញ្ជាក់ថា៖ «កម្ពុជា និងសហរដ្ឋអាមេរិកបានរីករាយជាមួយគ្នាទៅលើកិច្ចសហប្រតិបត្តិដ៏ខ្លាំងក្លា លើកិច្ចប្រឹងប្រែងស្វែងរកអដ្ឋិធាតុ ហើយនេះជាការដឹងគុណច្រើនដល់កម្ពុជា។ ដោយសារកិច្ចសហប្រតិបត្តិការនេះ សហរដ្ឋអាមេរិកអាចកំណត់សញ្ញា និងរកឃើញអដ្ឋិធាតុទាហាន ៤២នាក់ហើយដែលបានបាត់ខ្លួនកាលពីសម័យសង្គ្រាមឥណ្ឌូចិន»។
កម្ដៅនយោបាយក្នុងប្រទេសកម្ពុជាមានការកើនឡើង ហើយមានការវាយប្រហារជាបន្តបន្ទាប់មកលើសហរដ្ឋអាមេរិក ពីបណ្តាញសារព័ត៌មានមាននិន្នាការគាំទ្រគណបក្សកាន់អំណាច ពីមន្ត្រីរដ្ឋាភិបាលកម្ពុជា ជាពិសេសពីលោកនាយករដ្ឋមន្ត្រី ហ៊ុន សែន។ ចុងក្រោយនេះ កម្ពុជាបានចោទថា អាមេរិកនៅពីក្រោយគណបក្សប្រឆាំង និងមានគម្រោងផ្តួលរំលំរដ្ឋាភិបាលកម្ពុជា ក៏ប៉ុន្តែការលើកឡើងនេះត្រូវបានលោក William Heidt ឯកអគ្គរដ្ឋទូតអាមេរិកប្រចាំនៅកម្ពុជា ច្រានចោលកាលពីថ្ងៃអង្គារ។
នៅថ្ងៃនេះផងដែរ លោក ហ៊ុន សែន បានអះអាងថា៖ «កម្ពុជាគ្មានចេតនារករឿងជាមួយអាមេរិកទេ ប៉ុន្តែសូមអាមេរិកកុំមើលកម្ពុជាក្នុងកែវភ្នែកអាក្រក់»។ លោក ហ៊ុន សែន ក៏បានស្នើឲ្យឯកអគ្គរដ្ឋទូតអាមេរិក និងអតីតប្រធានាធិបតីអាមេរិកមួយចំនួន និងប្រធានាធិបតីបច្ចុប្បន្ន គឺលោក ដូណាល់ ត្រាំ ឆ្លើយតបនឹងការថ្លែងរបស់លោក កឹម សុខា មេដឹកនាំបក្សប្រឆាំង ដែលត្រូវបានចាប់ខ្លួន ហើយចោទថា ក្បត់ជាតិ ក្នុងគម្រោងផ្តួលរំលំរដ្ឋាភិបាល ដោយអាមេរិកត្រូវបានចោទប្រកាន់ថានៅពីក្រោយរឿងនេះ។
លោកហ៊ុន សែន បានថ្លែងថា៖ «ខ្ញុំចង់សួរឯកឧត្តមឲ្យឆ្លើយបំភ្លឺ តើសម្តីកឹម សុខា ត្រឹមត្រូវឬអត់? ព្រោះយើងមិនបានចោទប្រកាន់សហរដ្ឋអាមេរិកទេ ប៉ុន្តែ កឹម សុខា ទេ ជាអ្នកចោទប្រកាន់សហរដ្ឋអាមេរិក ដែលបានណែនាំអំពីវិធីផ្តួលរំលំ ផ្លាស់ប្តូរ តាមរបៀបនៅយូហ្គូស្លាវី និងស៊ែប៊ី ហើយបញ្ជូនសាស្ត្រាចារ្យមកអនុវត្តនៅកម្ពុជា តើមែនឬមិនមែន? តើកឹម សុខា ចោទអាមេរិក ឬអាមេរិកចោទកឹម សុខា? សូមឯកអគ្គរដ្ឋទូតអាមេរិកចេញមកធ្វើការបកស្រាយលើរឿងនេះ ឲ្យបានច្បាស់»។
លោកស្រី Elizabeth Becker អ្នកសារព័ត៌មានអាមេរិកជើងចាស់ ដែលធ្លាប់មករាយការណ៍សរសេរព័ត៌មានកាលពីសម័យសង្គ្រាមវៀតណាម បានថ្លែងប្រាប់VOAនៅថ្ងៃសុក្រនេះថា លោក ហ៊ុន សែន ទំនងជាកំពុងតែរុញសហរដ្ឋអាមេរិក ដើម្បីឲ្យគេចាត់ទុកថា «អាមេរិកជាមនុស្សអាក្រក់»។
លោកស្រីបញ្ជាក់ប្រាប់VOAតាមរយៈអ៊ីម៉េលថា៖ «ហ៊ុន សែន កំពុងតែព្យាយាមបង្វែរការយកចិត្តទុកដាក់ពីការវាយប្រហាររបស់លោកលើប្រព័ន្ធផ្សព្វផ្សាយឯករាជ្យ និងប្រឆាំងនឹងបក្សប្រឆាំងនៅកម្ពុជា។ ដូច្នេះលោកបានបង្ហាញដូចលោកជាមេដឹកនាំដែលគាបសង្កត់ និងចាត់ទុកជាតិបរទេសមួយជាសត្រូវ»។
លោកស្រី Elizabeth Becker អ្នកសារព័ត៌មានអាមេរិកជើងចាស់ម្នាក់ ចូលរួមការជួបជុំគ្នាមួយរបស់អតីតក្រុមអ្នករាយការណ៍ឲ្យកាសែតដេលី នៅរដ្ឋធានីវ៉ាស៊ីនតោន កាលពីថ្ងៃទី៨ ខែកញ្ញា ឆ្នាំ២០១៧។ (ទែន សុខស្រីនិត/VOA)
លោកស្រីបន្តថា ឯកអគ្គរដ្ឋទូតអាមេរិកបានផ្តល់សារខ្លាំងក្លាមកកាន់រដ្ឋាភិបាលកម្ពុជា និងបានលើកឡើងពីការជួយរបស់អាមេរិកមកលើកម្ពុជា ចាប់តាំងពីឆ្នាំ១៩៩០។
លោកស្រីបានបញ្ជាក់ថា ៖ «ខ្ញុំសង្ឃឹមថាប្រជាជនកម្ពុជាយល់ថា បញ្ហាដែលកើតឡើងរវាងរបបលោក ហ៊ុន សែន និងអាកប្បកិរិយាបែបផ្តាច់ការ ដែលមិនមានអ្វីទាក់ទងនឹងសហរដ្ឋអាមេរិកនោះទេ»។
លោក ឈាង វណ្ណារិទ្ធិ អ្នកស្រាវជ្រាវអំពីតំបន់អាស៊ីប៉ាស៊ីហ្វិក នៅវិទ្យាស្ថានសិក្សាអាស៊ីអាគ្នេយ៍ (ISEAS)ដែលមានមូលដ្ឋាននៅប្រទេសសិង្ហបុរី មានប្រសាសន៍ថា ភាពតានតឹងទំនាក់ទំនងកាទូតរវាងកម្ពុជា និងសហរដ្ឋអាមេរិកមានការកើនឡើង ដោយលោកបារម្ភថា អាមេរិកទំនងជានឹងចាត់វិធានការខ្លាំងក្លាបន្ថែមទៀតមកលើកម្ពុជា។ លោកបន្តថា សកម្មភាព និងប្រតិកម្មទាំងនេះ នឹងធ្វើឲ្យប៉ះពាល់ទំនាក់ទំនងនៃប្រទេសទាំងពីរ។
សម្រាប់លោក ឈាង វណ្ណារិទ្ធ កម្រិតនៃការជឿទុកចិត្តគ្នារវាងកម្ពុជា និងអាមេរិក នៅមានតិចតួចនៅឡើយ។ លោកយល់ថា កម្ពុជាគួរបើកទ្វារចំហបន្ថែមក្នុងការពិភាក្សាជាមួយអាមេរិកទាក់ទងនឹងសិទ្ធិមនុស្ស និងប្រជាធិបតេយ្យ៕
1 comment:
Don't let this angry Vietnamese puppet Hun Sen do whatever he wants. Hun Sen is not a Prime Minister of Cambodian, but he is a Vietnamese puppet, a killer (a ghost Ho Chi Minh follower, a friend of Le Duc Tho). Let Duc Tho is a Vietnamese military commander from Hanoi, a real father of Hun Maneth and a former husband of Hun Sun's wife Bun Rany (former named Bunheang).
Hun Sen is a very suspicious Khmer Rouges killer who escaped into Vietnam when he was shot into his one eye during the Killing Fields (1975-1979).
Hun Sen is was installed as a Foreign Minister by the Vietnamese military while Mr. Pen Sovan was a Prime Minister.
Mr. Pen Sovan was arrested and jailed in Hanoi for 10 years because Mr. Sovan refused to take order from the Vietnamese military commanders and leaders from Hanoi to allow the illegal Vietnamese/Yuon immigrants flood into Cambodia and refused to execute Hanoi's 5K plan to kill more than half million of innocent and well-educated Cambodian/Khmer people by pushing them walking the land mines and chop the trees at the border of Cambodia and Thailand.
Hun Sen is a traitor and committed treason because he accepted the order from the Vietnamese military commanders and leaders from Hanoi to execute 5K plans and allowed the illegal Vietnamese immigrants to flood into Cambodia. Also Hun Sen was illegally installed as a Prime Minister of Cambodia which was not recognized by the UN, the West and International Community.
Hun Sen is a traitor and committed treason because he pleased his Vietnamese masters by hurting more Cambodia people until today.
Hun Sen has committed crimes against Humanity and a criminal of all circumstances from the Killing Fields 1975 until today.
Hun Sen must be claimed a criminal by the UN, the West, the innocent of Cambodian people and victims of all kinds of crimes in Cambodia.
Again, please don't let this angry idiot Hun Sen do whatever he wants against the UN, the U.S., Europeans, International donors, well-educated Cambodian people and heroes or patriots.
We need to execute this criminal Hun Sen as soon as possible.
We demand China and Vietnam to stop support this criminal Hun Sen as the second Pol Pot number 2 to create the second Killing Fields in the near future.
We need to be aware of what Hun Sen has been doing in Cambodia to continue to stay power and get away from the serious crimes he has committed in Cambodia and on the world stage.
The UN, European unions leaders, the U.S. officials, International Community, all Cambodian opposition leaders, and all Cambodian people should criticize the China and Vietnam who are the ones who involved the killing of millions of Cambodian people and tried to support the criminal Hun Sen in order to steal the natural resources from Cambodia and do illegal businesses with this criminal Hun Sen and his corrupted CPP officials (lazy clowns).
Reply
Post a Comment