09 តុលា 2017
អូន ឆេងប៉រ
លោកនាយករដ្ឋមន្ត្រី ហ៊ុន សែន (ឆ្វេង) និងលោក William Heidt ឯកអគ្គរដ្ឋទូតអាមេរិកប្រចាំកម្ពុជា។
នៅចំកណ្ដាលនៃភាពប្រទាំងប្រទើសគ្នានៃចំណងទាក់ទងខ្មែរអាមេរិក អ្នកនាំពាក្យមួយរូបនៃរាជរដ្ឋាភិបាលកម្ពុជាបានប្រកាសប្រាប់វិនិយោគិន និងធុរជនជាតិអាមេរិកាំងឱ្យបន្តរក្សាទំនុកចិត្ត និងបន្តសកម្មភាពអាជីវកម្មរបស់ខ្លួននៅកម្ពុជាដោយគ្មានក្តីបារម្ភ។
ភ្នំពេញ —
ទំនាក់ទំនងរវាងប្រទេសកម្ពុជា និងសហរដ្ឋអាមេរិកមានភាពរកាំរកូស នាប៉ុន្មានសប្តាហ៍ចុងក្រោយនេះ ដោយមានការចោទប្រកាន់ថា សហរដ្ឋអាមេរិកនៅពីក្រោយគម្រោងផ្ដួលរំលំគណបក្សកាន់អំណាចនៅកម្ពុជា។ ទោះយ៉ាងណាក៏ដោយ អ្នកនាំពាក្យនៃក្រសួងពាណិជ្ជកម្មកម្ពុជា បានថ្លែងថា ពាណិជ្ជកម្មរវាងកម្ពុជាអាមេរិក បានប្រព្រឹត្តទៅជាធម្មតា ហើយប្រាប់ឱ្យធុរជនអាមេរិកាំងកុំមានការព្រួយបារម្ភចំពោះការធ្វើពាណិជ្ជកម្មក្នុងប្រទេសកម្ពុជា។
នៅចំកណ្ដាលនៃភាពប្រទាំងប្រទើសគ្នានៃចំណងទាក់ទងខ្មែរអាមេរិក អ្នកនាំពាក្យមួយរូបនៃរាជរដ្ឋាភិបាលកម្ពុជាបានប្រកាសប្រាប់វិនិយោគិន និងធុរជនជាតិអាមេរិកាំងឱ្យបន្តរក្សាទំនុកចិត្ត និងបន្តសកម្មភាពអាជីវកម្មរបស់ខ្លួននៅកម្ពុជាដោយគ្មានក្តីបារម្ភ។
កាលពីខែកន្លងទៅ រដ្ឋាភិបាលភ្នំពេញ និងរដ្ឋាភិបាលក្រុងវ៉ាស៊ីនតោនបានដំឡើងសរសៃកដាក់គ្នា ក្រោយពេលដែលរដ្ឋាភិបាលកម្ពុជាសម្រេចបណ្តេញវិទ្យាស្ថានជាតិប្រជាធិបតេយ្យរបស់អាមេរិកចេញពីកម្ពុជា មានការបង្ក្រាបលើស្ថាប័នព័ត៌មានឯករាជ្យ និងការចាប់ខ្លួនលោក កឹម សុខា ប្រធានគណបក្សសង្គ្រោះជាតិ ដោយចោទពីបទចូលដៃចូលជើងជាមួយអាមេរិកដើម្បីផ្ដួលរំលំរបបក្រុងភ្នំពេញនៃគណបក្សប្រជាជនកម្ពុជា។
មានការលេចធ្លាយព័ត៌មានជាបន្តបន្ទាប់ដែលបំពងសំឡេង ដោយបណ្ដាញសារព័ត៌មានដែលមានសមានចិត្តនឹងរដ្ឋាភិបាលខ្មែរ ដែលបានចង្អុលចំៗទៅសហរដ្ឋអាមេរិក ដោយចោទថា រៀបចំគម្រោងការផ្លូវងងឹតប្រុងប្រៀបធ្វើ «បដិវដ្ដន៍ពណ៌» ប្រឆាំងនឹងរដ្ឋាភិបាលកម្ពុជា តាមរយៈការជួយជ្រោមជ្រែងគណបក្សសង្គ្រោះជាតិ និងការផ្ដល់ហិរញ្ញប្បទានដល់ដំណើរការនៃបណ្ដាអង្គការសង្គមស៊ីវិលក្នុងស្រុកមួយចំនួន។
មួយសប្ដាហ៍ក្រោយពីការចាប់ខ្លួនលោក កឹម សុខា កាលពីដើមខែកញ្ញា ក្រុមប្រឹក្សាធុរកិច្ចអាមេរិកអាស៊ានបានចេញសេចក្ដីព្រមានដល់បណ្ដាវិនិយោគិនរបស់ខ្លួនអំពី«ហានិភ័យដែលចេះតែកើនឡើង» ចំពោះជំនួញរកស៊ីក្នុងប្រទេសកម្ពុជា ទីដែល«វោហាស័ព្ទប្រឆាំងអាមេរិកចេះតែមានកំដៅក្ដៅទៅៗ»។
ក្នុងសេចក្ដីដាស់ស្មារតី ដែលចេញផ្សាយកាលពីថ្ងៃទី៧ ខែកញ្ញា ឆ្នាំ២០១៧ ក្រុមប្រឹក្សាធុរកិច្ចអាមេរិកអាស៊ានបានសរសេរក្នុងន័យដើមទាំងស្រុងថា៖
«អ្នកនយោបាយកម្ពុជាមួយចំនួន និងក៏ដូចជាមួយចំនួននៃមន្ត្រីរដ្ឋាភិបាលកម្ពុជា បច្ចុប្បន្ននេះទំនងជារក្សាគន្លាតខ្លួនគេមួយកម្រិត ចាកឆ្ងាយពីការប្រឡូកពាក់ព័ន្ធទាក់ទងជាសាធារណៈជាមួយបណ្ដាក្រុមហ៊ុនសហរដ្ឋអាមេរិក រហូតទាល់តែការបោះឆ្នោតខែកក្កដាឆ្នាំ២០១៨ ត្រូវចប់សព្វគ្រប់។
ការណ៍នេះនាំឱ្យរាល់សកម្មភាពតស៊ូមតិ[ធុរកិច្ច]នៅកម្រិតរដ្ឋាភិបាល ហាក់មានសភាពតឹងតែងជាងសព្វមួយដង»។
រូបឯកសារ៖ ទង់ជាតិសហរដ្ឋអាមេរិកនិងកម្ពុជា បក់រវេចនៅក្រុងព្រះសីហនុកាលពីថ្ងៃទី៩ ខែកុម្ភៈ ឆ្នាំ២០០៧ ដោយមាននាវាចម្បាំង USS Gary របស់សហរដ្ឋអាមេរិកនៅពីក្រោយ។
នៅកម្ពុជា ស្ថានទូតអាមេរិកដើរតួនាទីយ៉ាងមមាញឹកក្នុងការច្រានចោលរាល់ការចោទប្រកាន់ទាំងឡាយពីសំណាក់មជ្ឈដ្ឋាននានាក្នុងប្រទេសកម្ពុជា។ នៅក្នុងសន្និសីទសារព័ត៌មានមួយកាលពីថ្ងៃទី១២ខែមុន លោកWilliam Heidt ឯកអគ្គរដ្ឋទូតស.រ.អា. បានព្រលយពាក្យព្រមានថា៖
«វោហាស័ព្ទប្រឆាំងអាមេរិកបានធ្វើឱ្យជនជាតិអាមេរិក និងបណ្ដាអ្នកទេសចរមកពីបស្ចិមលោកជាច្រើន ហាក់មានអារម្មណ៍ថា មិនសូវត្រូវបានគេទទួលស្វាគមន៍ទេ នៅកម្ពុជា នាពេលបច្ចុប្បន្នយើងនេះ»។
ក៏ប៉ុន្តែកញ្ញា សឺង សុផារី អ្នកនាំពាក្យក្រសួងពាណិជ្ជកម្មកម្ពុជា អះអាងថា បរិយាកាសវិនិយោគសម្រាប់ក្រុមហ៊ុនសាជីវកម្មនានារបស់សហរដ្ឋអាមេរិកនៅកម្ពុជានៅតែអាចទទួលនូវបរិស្ថានអំណោយផលដូចធម្មតា បើទោះជាមានភាពតានតឹងយ៉ាងណាក្ដី។
កញ្ញា សឺង សុផារី បានប្រាប់ VOA កាលពីអំឡុងបុណ្យភ្ជុំបិណ្ឌថា៖
«អត់ទាន់មានលើកទូតអាមេរិកចេញផង ហេតុអ្វីយើងត្រូវមានសតិអារម្មណ៍។ ... យើងមានទៅបិទរោងចក្រអីគេ! គេវិនិយោគប៉ុន្មាននៅប៉ុណ្ណឹង! ឱ្យតែគេគោរពច្បាប់ទម្លាប់នៅក្នុងស្រុកយើង»។
មន្ត្រីអ្នកនាំពាក្យរដ្ឋាភិបាលរូបនេះបានបន្តថា៖
«ធម្មតាប្រទេសមួយៗ វាមិនអាចដូចទឹកនឹង ដូចថា មិនអាចមិនឱ្យមានព្រឹត្តិការណ៍អីសោះនោះទេ ព្រោះនយោបាយវាមិនអាចថេរដូចចិត្តយើងចង់បានទេណា។ ប៉ុន្តែមិនមែនបានន័យថា នយោបាយប្រែប្រួល វាត្រូវធ្វើឱ្យសេដ្ឋកិច្ចយើង ឬប្រព័ន្ធទំនាក់ទំនងយើងហ្នឹងវាត្រូវតែក្រឡុកក្រឆាដែរ គឺអត់ទេ»។
កាលពីឆ្នាំ២០១៦ មានប្រមាណ២១,៣%នៃការនាំចេញសរុបរបស់កម្ពុជាពឹងផ្អែកទៅលើទីផ្សារទិញចូលរបស់អាមេរិកដែលឈរនៅលំដាប់ទីពីរ បន្ទាប់ពីសហគមន៍អឺរ៉ុប។ អាមេរិកហក់ទៅឈរនៅលំដាប់ទីប្រាំនៃក្រុមប្រទេសដែលបានដាក់ទុនវិនិយោគនៅកម្ពុជា ខណៈដែលអ្នកទេសចរអាមេរិកដែលមកទស្សនាប្រទេសកម្ពុជាមានចំនួនជាងពីរសែននាក់ នៅក្នុងឆ្នាំកន្លងទៅនេះ។
រដ្ឋាភិបាលកម្ពុជាក៏បានប្រកាសនៅថ្ងៃសុក្រថា ក្នុងជំនួបមួយជាមួយរដ្ឋមន្ត្រីក្រសួងការងារ អគ្គរដ្ឋទូតសហរដ្ឋអាមេរិកប្រចាំកម្ពុជា និងសហភាពអឺរ៉ុបក៏បានបង្ហាញនូវការស្វាគមន៍ត្រៀមទទួលទិញទំនិញបន្ថែមពីវិស័យវាយនភណ្ឌកម្ពុជា ដោយហេតុថា កម្ពុជាបានធ្វើឱ្យប្រសើរឡើងនូវលក្ខខណ្ឌការងារមួយចំនួនដែលតម្រូវដោយនិយាមការងារអន្តរជាតិ។ ប៉ុន្តែវីអូអេមិនអាចទទួលបានការបញ្ជាក់ពីសហរដ្ឋអាមេរិក និងសហភាពអឺរ៉ុបថា តើការប្រកាសដោយរដ្ឋាភិបាលនេះពិតកម្រិតណានោះទេ។
លើសពីនោះទៅទៀត សាជីវកម្មផ្គូផ្គងសេវាកម្មដឹកជញ្ជូន Uber របស់អាមេរិកក៏បានបើកសម្ពាធវត្តមានរបស់ខ្លួនជាផ្លូវការនៅកម្ពុជាផងដែរ កាលពីចុងខែតុលាកន្លងទៅ។
លោក Anthony Galliano ប្រធានគ្រប់គ្រងក្រុមហ៊ុនគ្រប់គ្រងវិនិយោគនៅកម្ពុជា (CIMG) បានប្រាប់ VOA ក្នុងពេលកន្លងទៅថា ដោយហេតុថាចំណែកនៃការវិនិយោគនៅកម្ពុជាហាក់នៅមានកម្រិតទាបនៅឡើយ ម្ល៉ោះហើយកម្ពុជានឹងមិនរងការប៉ះពាល់ផ្នែកសេដ្ឋកិច្ចច្រើន ពីភាពតានតឹងរវាងប្រទេសទាំងពីរ។
កាលពីខែកក្កដាកន្លងទៅ មូលនិធិរូបិយវត្ថុអន្តរជាតិ (IMF) បានចង្អុលទៅកាន់សញ្ញានៃការធ្លាក់ការវិនិយោគឯកជននៅកម្ពុជា នាអំឡុងពេល៦ខែដើមឆ្នាំ២០១៧នេះ ដោយគ្រឹះស្ថានពិភពលោកមួយនេះបានដាក់ការបន្ទោសទៅលើ «ភាពមិនប្រាកដប្រជាទាក់ទងនឹងការបោះឆ្នោត»ឆ្នាំ២០១៨ ខាងមុខនេះ។
រីឯលោក Casey Barnett វិនិយោគិន និងជានាយកសាលាពាណិជ្ជកម្ម CamEd នៅទីក្រុងភ្នំពេញ បានប្រាប់ VOA តាមសារអេឡិចត្រូនិច ដោយបង្ហាញជំនឿថា ភាពមិនចុះសម្រុងរវាងរដ្ឋាភិបាលក្រុងភ្នំពេញ និងរដ្ឋាភិបាលក្រុងវ៉ាស៊ីនតោន នឹងស្ថិតនៅត្រឹមកម្រិតឆ្លើយឆ្លងផ្ដោះផ្ដងគ្នាជាពាក្យពេជន៍តែប៉ុណ្ណោះ ហើយនឹងមិនឈានដល់កម្រិតបញ្ចេញនូវសកម្មភាពនយោបាយអ្វីដាក់គ្នាជាដុំកំភួននោះឡើយ។
លោក Casey Barnett បានសរសេរក្នុងន័យដើមថា៖
«ខ្ញុំមានជំនឿថា កម្ពុជានឹងបន្តនូវអត្ថិភាពកំណើនសេដ្ឋកិច្ចរបស់ខ្លួន ដូចជានឹងបន្តការពារផលប្រយោជន៍វិនិយោគិនអាមេរិកនៅទីនេះ»។
លោក Miguel Chanco អ្នកវិភាគនាំមុខលើកិច្ចការក្នុងតំបន់អាស៊ាន ឱ្យអង្គភាពស៊ើបអង្កេតនៃទស្សនាវដ្ដី The Economist (EIU) បានប្រាប់ VOA ថា ហានិភ័យនៃអស្ថិរភាពនយោបាយមិននឹងនរនៅកម្ពុជានឹងទុកឱ្យវិនិយោគិន និងធុរកិច្ចអាមេរិក ចាប់យកវិធីសាស្ត្រអង្គុយស្ងៀម និងចាំមើល ទម្រាំតែការបោះឆ្នោតឆ្នាំ២០១៨កន្លងផុតទៅដោយចប់សព្វគ្រប់។
ដោយឡែក លោក Anthony Nelson ដែលជានាយកផ្នែកស្រាវជ្រាវតំបន់អាស៊ីអាគ្នេយ៍នៃក្រុមហ៊ុនផ្ដល់ប្រឹក្សាធុរកិច្ច Albright Stonebridge Group បាននិយាយថា សតិអារម្មណ៍នៃវិនិយោគិនអាមេរិកក្នុងការធ្វើជំនួញនៅកម្ពុជា វាអាស្រ័យទៅលើលោកនាយករដ្ឋមន្ត្រី ហ៊ុន សែន ដែលជារឿយៗ ប្រើពាក្យពេជន៍ប្រឆាំងអាមេរិកនៅក្នុងសុន្ទរកថាសារធារណៈរបស់លោក នាពេលថ្មីៗនេះ៕
3 comments:
Yeah right, hypocrite CPP government spoke person said "Not too worried about the tense politics in Cambodia." Corrupted and lazy-ass CPP clowns and a Vietnamese puppet (Yong Yuon) Hun Sen are the ones involved deadly politics that put Cambodian people's lives and Cambodia's economy at risk, willing to win the election alone. If you still win the election in 2018, no one the world will recognize your lazy-ass and corrupted CPP government which is illegal and did not follow the International standard, but follow the communist which is very deadly. No matter the CPP wins election, it is still cheating. Just be aware of the serious sanctions being applied to Cambodia, making your CPP clowns and Hun Sen face the difficulty. The world never ignore what hypocrite behaviors of CPP and Hun Sen are and how they play the dirty and deadly games because of hidden Yuon/Vietcong agents staying behind CPP clowns and Hun Sen. Using China for helps is going be blamed instead of the hidden Vietcong/Yuon agents deeply being inside Hun Sen's CPP and CPP clowns (crooks or thieves).
Ha ha ha អាមេរិកភ័យសម្បើបណាស់ ដោយខ្លាចខ្មែរមិនធ្វើពាណិជ្ចកម្មជាមួយ អាមេរិក លោកអើយមើលចុះ នេះហើយអាពូជខ្មែរ វាថាវាគ្រាន់សម្បើមណាស់ តែមិនដឹងថាវាកើតបានមកនេះមកពីស្អីទេ ស្រណោះណាស់ឮថាចង់វាយទូតគេផង អីឡូវបែរមកអ៊ួតថាគេមិនឲ្យអាមេរិកភ័យទឿត គេនឹងធ្វើជុំនួញជាមួយអាមេរិកទៀត ហា ហា ហា សុំខាំមើលខែ១២ នេះថាអាមេរិក គេនឹងឲ្យវាដើរខ្សែរលើគេទៀតទេ បែបភ្លេចហើយថាខំអង្វរគេកុំឲ្យយកតាក់នោះ អោលោកអើយមើលទៅ ឥតមានខ្មាស់គេទេ កោដនិយាយទៅកើត៊ តែធ្វើម្តេចពួកអានេះស្អីក៍វាហ៊ានធ្វើដែរ មើលទៅ ស្អីកពួកវាថាច្បាប់ដែរ តែវាបំពានដូចកូនបៀបដៃ ខំបំពានទៅណាអាដែកចោរ យួនពេញស្រុកហើយ សប្បាយទៅណា។
Unlike Ah lop Hun Sen’s blood money, the American investors’ money is hard earned money, so they are in Cambodia to make money. They are not going to throw their money away with Ah Hun Sen’s calming bullshit.
Post a Comment