ដោយ អាស៊ីសេរី
2017-10-08
អ្នកនាំពាក្យគណបក្សប្រជាជនកម្ពុជា លោក សុខ ឥសាន (ឆ្វេង) និងប្រធានក្រុមការងារគណៈកម្មការចំពោះកិច្ចពីខាងគណបក្សសង្គ្រោះជាតិ លោក សុន ឆ័យ ថ្លែងក្នុងសន្និសីទកាសែតក្រោយបញ្ចប់កិច្ចពិភាក្សាលើសំណូមពររបស់សហជីពទាក់ទងនឹងសេចក្ដីព្រាងច្បាប់សហជីព នៅថ្ងៃទី១៩ មករា ឆ្នាំ២០១៦។
RFA/Leng Maly
ខណៈគណបក្សសង្គ្រោះជាតិកំពុងប្រឈមនឹងបណ្ដឹងរបស់រដ្ឋាភិបាល ទៅតុលាការកំពូលសុំឲ្យរំលាយគណបក្សនេះចោល ដែលមជ្ឈដ្ឋានអន្តរជាតិថា ជាការប៉ុនប៉ងរបស់លោក ហ៊ុន សែន មន្ត្រីជាន់ខ្ពស់គណបក្សកាន់អំណាចថែមទាំងនិយាយចំអកថា គណបក្សប្រឆាំងជួបបញ្ហាដូចសព្វថ្ងៃនេះ ព្រោះលោក សម រង្ស៊ី និងលោក កឹម សុខា។ ប៉ុន្តែលោក សម រង្ស៊ី ឆ្លើយតបវិញថា លោក ហ៊ុន សែន ហ៊ានរំលាយគណបក្សសង្គ្រោះជាតិចោល គឺស្មើនឹងរំលាយខ្លួនឯងចោល។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ចោទប្រកាន់ថា គណបក្សសង្គ្រោះជាតិទទួលផលមិនល្អដូចសព្វថ្ងៃ ព្រោះគណបក្សនេះគ្មានកម្មវិធីនយោបាយ និងគ្មានគោលការណ៍ច្បាស់លាស់ ចាំតែធ្វើតាមការគូសវាសចង្អុលបង្ហាញពីបរទេស។ មន្ត្រីជាន់ខ្ពស់គណបក្សប្រជាជនកម្ពុជារូបនេះ បានសរសេរនៅបណ្ដាញទំនាក់ទំនងសង្គម លើតេឡេក្រាម (Telegram) របស់លោកថ្ងៃទី០៨ ខែតុលា ថា លោក សម រង្សី នៅសុខៗស្រាបតែលាចេញពីតំណែងប្រធានគណបក្សដោយខ្លួនឯង។ ចំណែក លោក កឹម សុខា នៅមិននៅបានលាតត្រដាងគ្មានលាក់លៀម បានទទួលការចាត់តាំងរបស់បរទេសឲ្យប្រព្រឹត្តអំពើក្បត់ជាតិ តាមផែនការយុទ្ធសាស្ត្រ យុទ្ធវិធីដើម្បីផ្ដួលរំលំរាជរដ្ឋាភិបាល។
លោក សុខ ឥសាន ថែមទាំងហ៊ាននិយាយមុនតុលាការសម្រេចថា ទោសលោក កឹម សុខា ជាទោសព្រហ្មទណ្ឌក្បត់ជាតិ ជាបទឧក្រិដ្ឋធ្ងន់ ដោយមានស្ថានទម្ងន់ទោសពី១៥ - ៣០ ឆ្នាំរហូតអស់មួយជីវិតផង។ លោកព្រមានទៀតថា ករណីលោក កឹម សុខា នេះបើពីមុននឹងត្រូវបាញ់សម្លាប់ចោលដោយចងផ្អោបសសរ ហើយបាញ់ដោយក្រុមប្រដាប់អាវុធ ១២នាក់ ដាក់ជា ២ជួរ ជួរមុខអង្គុយលត់ជង្គង់៦នាក់។ ជួរទីពីរ ឈរត្រង់៦នាក់។ ក្រោយបាញ់ហើយ មេក្រុមទៅចាប់បួងសក់ បាញ់ថែម១គ្រាប់ទៀត ចំក្បាល ជាកិច្ចបង្ហើយចុងក្រោយ។
ការប្រើពាក្យសំដីខ្លាំងបែបហិង្សារបស់អ្នកនាំពាក្យគណបក្សប្រជាជនកម្ពុជាដូចនេះ ខណៈដែលក្រុមមេធាវីជើងខ្លាំង របស់ក្រសួងមហាផ្ទៃ៥រូបបានដាក់ពាក្យទៅតុលាការកំពូល សុំរំលាយគណបក្សសង្គ្រោះជាតិចោល តាមសំណើគណបក្សតូចពីរដែលគ្មានសំឡេងនៅក្នុងរដ្ឋសភា។
ប៉ុន្តែ ប្រធានក្រុមតំណាងរាស្ត្រ និងជាអ្នកនាំពាក្យគណបក្សសង្គ្រោះជាតិ លោក ស៊ុន ឆ័យ ធ្លាប់ឆ្លើយតបទៅលោក សុខ ឥសាន ថាគួរប្រើពាក្យសំដីឲ្យថ្លៃថ្នូរ និងគោរពសិទ្ធិមនុស្ស។ លោកថា ការចោទប្រកាន់មុនតុលាការសម្រេចក្ដី ជាការបំពានច្បាប់។
ចំណែក នាយកប្រតិបត្តិទទួលបន្ទុកកិច្ចការតំបន់អាស៊ី របស់អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ថ្មីៗនេះបាននិយាយថា មនុស្សនៅក្បែរលោក ហ៊ុន សែន ខ្វះការយល់ដឹង និងមានសម្ដីសំដៅបែបមនុស្សល្ងង់ខ្លៅ។
រីឯអតីតប្រធានគណបក្សសង្គ្រោះជាតិ លោក សម រង្ស៊ី បាននិយាយថា អ្នកដែលចង់រំលាយគណបក្សសង្គ្រោះជាតិ អ្នកនោះនឹងរលាយខ្លួនឯង។ លោក សម រង្ស៊ី និយាយទៅកាន់លោក ហ៊ុន សែន ដោយមិនបញ្ចេញឈ្មោះថា បើការបោះឆ្នោតមួយដែលកើតឡើងក្រោយការរំលាយគណបក្សសង្គ្រោះជាតិ ដែលជាគណបក្សមួយចំណោមពីរមានសំឡេងនៅក្នុងសភានោះ គ្មានអន្តរជាតិណាទទួលស្គាល់លទ្ធផលនេះទេ ហើយបើគ្មានការបោះឆ្នោតរឹតតែធ្វើឲ្យរដ្ឋាភិបាលរងគ្រោះដូចគណបក្សសង្គ្រោះជាតិដែរ។
នាយកអង្គការលើកលែងទោសអន្តរជាតិ ប្រចាំតំបន់អាស៊ីប៉ាស៊ីហ្វីក លោក ហ្យេម ហ្គូម៉េ (James Gomez) បានលើកឡើងថា កិច្ចប្រឹងប្រែងរបស់រដ្ឋាភិបាល ដើម្បីរំលាយគណបក្សសង្គ្រោះជាតិ មុនការបោះឆ្នោតជាតិ នៅឆ្នាំ២០១៨ ខាងមុខ គឺបង្ហាញយ៉ាងច្បាស់អំពីទង្វើក្ដោបក្ដាប់អំណាចដោយឥតលាក់លៀមរបស់លោក ហ៊ុន សែន និងការបង្កើនសកម្មភាពបង្ក្រាបគ្រប់បែបយ៉ាងរបស់អាជ្ញាធរមានសមត្ថកិច្ច។
លោក James Gomez បន្តថា ប្រទេសធំៗដែលជាម្ចាស់ជំនួយ ត្រូវដាក់គំនាប ដល់រដ្ឋាភិបាលកម្ពុជា ឲ្យបញ្ឈប់ជាបន្ទាន់ នូវការធ្វើទុក្ខបុកម្នេញដល់ក្រុមប្រឆាំង និងត្រូវគោរពសិទ្ធិសេរីភាព ក្នុងការបញ្ចេញមតិ៕
5 comments:
អាដែកចោរ វាយក កឺម សុខា ទៅដាក់គុកនៅស្រុកយួន ចុះហេតុអីបានជាដូច្នេះ ? តើអ្នកណាជាអ្នកក្បត់ជាតិទៅ ?
Sok Eysan’s madness is caused by his assets and bank accounts in the West will be frozen and his family’s travel ban to the US.
ផ្កាយពេញខ្លួនម្នាក់គេថា កឹម សុខា ជាប់គុកនៅផ្ទះ អាស ហេតុដូច្នេះហើយបានជាមិនអាច យកមកកាត់ទោសនៅភ្នំពេញបាន ដោយវាដឹងថា អាដែកចោរ វានឹងចាញ់ឆ្នោតនៅឆ្នាំក្រោយនេះបានជា អាស វាធ្វើដូច្នេះ តើអ្នកណាដែលអ៊ួតថា អាស មិនកាន់កាប់ ស្រុខ្មែរនោះ ហើយចាំមើលទៅ វាឌូម៉ែ ហើយ ខំអរទៅអ្នកដែលកាន់ជើងដែកចោរនោះ។
Soon the reality of the COLD CASH effect of the YUAN vs DOLLAR ($) will kick in. Then and only then will they really, really feel it.
Ah Eysan should have put his money in srok youn or china where his commy dictators bunches are. May be he is afraid that his commy dictator comrades might blackmail him for his ill-gotten wealth because in the dictator country if something go wrong with your money, you can't protest or claim it back.That was a smart move in his part.
In the west, there are transparent law that should safeguard his money, but when it comes to his ill-gotten wealth get frozen for whatever reasons, he either way still a stupid man.He should have kept his ill-gotten wealth under his mattress it is safer but then again it might be a very attractive proposition those around him.
Post a Comment