របប​ភ្នំពេញ​ស្នើ​ឱ្យ​សមាជិក​សភា​​អឺរ៉ុប​ពិចារណា​ឡើង​វិញ​រឿង​ចង់​អម​ដំណើរ​លោក សម រង្ស៊ី វិល​ចូល​កម្ពុជា

Editorial by Khmer Circle: 

"Close the doors and beat the dog" [otherwise translated into diplomatic parlance as "non-interference in one another's internal affairs"] is what these Vietcongs and KR would want to practise. It is seen by them as the most efficient tool with which to whip and cow the Khmer people and nation into silence and submission. Before the practice itself had been deployed by Pol Pot to devastating effect in the country during its brief reign between 1975 to 1978, it had previously been used against the indigenous Khmer Krom people of Southern Vietnam [predominantly, in the Mekong Delta] to discourage large-scale indigenous rebellion and to keep simmering popular discontent in check. 

The actual conditions giving rise to such discontent among the Khmer Krom is not dissimilar to those being witnessed by the Khmer people of Cambodia today: infiltration into administrative institutions by Vietnamese nationals [some of these officials, such as the former governor of Kompong Som who had been removed from his post seemingly over the recent building collapse tragedy there only to be promoted to a more prestigious rank within the army and defense!. They are - in a word - untouchable.]; the transfers in actual control and ownership [although, "temporary leases" of 99 years is the preferred term here] of virgin and arable lands on a massive scale into Vietnamese hands; the influx of ethnic Vietnamese into these leased areas and all other towns and villages, and so on, are all provocative and systematic practices guaranteed to "incite" resentment and grievances among the subjugated population, and hence, the call for ruthlessness and suppressing tactics on the part of controlling authorities in both contexts and times in Cambodia's tragic blood stained history; a history which must be stressed is very much still in the making.

^^^

ដោយ យន់ សាមៀន
2019-07-06 


លោក ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ។
រូប៖ ហ្វេសប៊ុក​​រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ




ក្រសួង​ការបរទេស ស្នើសុំ​ឱ្យ​សមាជិកសភា​សហភាព​អឺរ៉ុប​មួយ​ចំនួន ពិចារណា​ឡើងវិញ ចំពោះ​បំណង​ចង់​ហែហម លោក សម រង្ស៊ី ប្រធាន​ស្ដីទី​គណបក្ស​សង្គ្រោះជាតិ​វិល​ចូល​កម្ពុជា​វិញ​។ ក្រសួង ចាត់​ទុក​ទង្វើ​នេះ​ថា មិន​គោរព​អធិបតេយ្យភាព​កម្ពុជា។

ក្រសួង​ការបរទេស​អះអាង​ថា ក្រសួង​នេះ ភ្ញាក់ផ្អើល​ដែល​ថា សមាជិក​សភា​សហភាព​អឺរ៉ុប មួយ​ចំនួន មាន​បំណង​ហែហម​ដំណើរ​លោក សម រង្ស៊ី វិល​ចូល​ប្រទេស​កម្ពុជា​វិញ​ដោយសារតែ តុលាការ​របប​ក្រុងភ្នំពេញ ចោទ​ប្រកាន់​និង​កាត់ទោស​ឱ្យ​លោក សម រង្ស៊ី ជាប់​ពន្ធនាគារ​ជាច្រើន ករណី។

សេចក្ដី​ថ្លែងការណ៍​របស់​អ្នកនាំពាក្យ​ក្រសួង​ការបរទេស ចុះ​ថ្ងៃ​ទី​៦ ខែ​កក្កដា បង្ហាញ​ថា ការ​ចូល​រួម​ដំណើរ​មក​កម្ពុជា​របស់​តំណាងរាស្ត្រ​អឺរ៉ុប ជា​ទង្វើ​គ្មាន​លក្ខណៈ​កា​ទូត មិន​គោរព​អធិបតេយ្យភាព និង​នីតិរដ្ឋ​កម្ពុជា។



អ្នកវិភាគ​នយោបាយ លោក បណ្ឌិត ឡៅ ម៉ុងហៃ មាន​ប្រសាសន៍​ថា ប្រហែល​ជា​រដ្ឋាភិបាល របស់​លោក ហ៊ុន សែន មិន​ចង់​ឱ្យ​លោក សម រង្ស៊ី វិល​ចូល​កម្ពុជា​នោះ​ទេ ដោយសារ​បារម្ភ​ពី​ឥទ្ធិពល​របស់​លោក សម រង្ស៊ី៖ «ការ​ពិត​ទៅ​! ប្រហែលជា​មិន​ចង់​ឱ្យ​ចូល​ទេ ព្រោះ​មាន​បញ្ហា​ច្រើន ជាង​នៅ​ក្រៅ​សម្រាប់​រដ្ឋាភិបាល​។ សម រង្ស៊ី គឺជា​កម្លាំង​នយោបាយ​មួយ​យ៉ាង​ធំ​នៅ​ក្នុង​ប្រទេស​កម្ពុជា​ដោយសារតែ​ប្រជាប្រិយភាព​របស់​គាត់»។

តំណាង​ក្រុមប្រឹក្សា​ឃ្លាំមើល​កម្ពុជា លោក រ៉ុង ឈុន លើកឡើង​ថា ការ​សម្រេច​ចិត្ត​របស់​សមាជិក សភា​សហភាព​អឺរ៉ុប​មួយ​ចំនួន ក្នុង​ការ​ចូលរួម​អម​ដំណើរ​គណៈប្រតិភូ​គណបក្ស​សង្គ្រោះជាតិ​វិល ចូល​កម្ពុជា​វិញ គឺ​មិនមែន​ជា​ការ​ជ្រៀតជ្រែក​អធិបតេយ្យភាព ឬ​រំលោភច្បាប់​កម្ពុជា​នោះ​ទេ​។ លោក ចាត់ទុក​ថា ការ​សម្រេចចិត្ត​របស់​សមាជិកសភា​សហភាព​អឺរ៉ុប​នេះ គឺជា​រឿង​ត្រឹមត្រូវ​ដើម្បី​ចូលរួម ស្វែងរក​ដំណោះស្រាយ​វិបត្តិ​នយោបាយ​នៅ​កម្ពុជា៖ «ខ្ញុំ​គិត​ថា វា​មិនមែន​ជា​ការរំលោភ​អធិបតេយ្យភាព​កម្ពុជា​ទេ ព្រោះថា​សមាជិកសភា​សហភាព​អឺរ៉ុប​គេ​ដឹង​ថា ករណី​ដែល​មាន​ការ​ចោទប្រកាន់​លើ​លោក សម រង្ស៊ី ពី​រដ្ឋាភិបាល​កម្ពុជា គឺ​គេ​មើល​ឃើញ​ថា ករណី​ទាំងអស់​នេះ​វា​ជា​រឿង​នយោបាយ​ដែល​លោក សម រង្ស៊ី មិន​បាន​ប្រព្រឹត្ត​អ្វី​ដូចដែល​តុលាការ​ចោទប្រកាន់ ឬ​រដ្ឋាភិបាល​បាន​ប្ដឹង​លោក​នោះ​ទេ។ អ៊ីចឹង ហើយ​បានជា​សមាជិកសភា​សហ​ភាព​អឺរ៉ុប​គេ​សម្រេចចិត្ត​អម​ដំណើរ​លោក សម រង្ស៊ី វិល​ចូល​ស្រុក វិញ​ដើម្បី​ចូលរួម​ស្ដារ​នូវ​លទ្ធិ​ប្រជាធិបតេយ្យ​និង​ការ​គោរព​សិទ្ធិមនុស្ស»។

លោក រ៉ុង ឈុន បន្ត​ថា រដ្ឋាភិបាល​កម្ពុជា គួរតែ​បើក​ចិត្ត​ឱ្យ​ទូលាយ​ក្នុង​​ការ​ចរចា​បញ្ចប់​វិបត្តិ​នយោបាយ​ជាមួយ​ថ្នាក់ដឹកនាំ​គណបក្សប្រឆាំង ដើម្បី​រក្សា​ផលប្រយោជន៍​ជូន​ប្រជារាស្ត្រ និង​ប្រទេស​ជាតិ។

កាលពី​ថ្ងៃទី២៧ ខែ មិថុនា កន្លងទៅ លោក សម រង្ស៊ី និង​អ្នកស្រី មូរ សុខ​ហួរ បាន​ជួប​ជាមួយ​សមាជិកសភា​សហ​ភាព​អឺរ៉ុប ចំនួន​ប្រាំ​រូប។

តំណាងរាស្ត្រ​ម្នាក់​ថ្លែង​ក្នុង​វីដេអូ​ឃ្លីប ក្រោយ​ជំនួប​នឹង​លោក សម រង្ស៊ី ថា អ្វី​ដែល​សហភាព​អឺរ៉ុប​ទាមទារ​នៅ​ពេល​នេះ គឺ​ឱ្យ​របប​លោក ហ៊ុន សែន ស្ដារ​សិទ្ធិមនុស្ស និង​ប្រជាធិបតេយ្យ​ឡើងវិញ ជា​ថ្នូរ​នឹង​ការ​មិន​ព្យួរ​ការ​អនុគ្រោះ​ពន្ធ EBA​។ សមាជិកសភា​សហភាព​អឺរ៉ុប​រូប​នេះ បាន​អំពាវនាវ​ឱ្យ​មន្ត្រី​បក្ស​ប្រឆាំង​ទាំងអស់ វិលត្រឡប់​ទៅ​កម្ពុជា​វិញ ហើយ​លោក ក៏​ស្ម័គ្រចិត្ត​អម​ដំណើរ​ជាមួយ​ដែរ ដើម្បី​បាន​ជួប​សួរសុខទុក្ខ​លោក កឹម សុខា ផង និង​ទាញ​ប្រជាធិបតេយ្យ​នៅ​កម្ពុជា ឱ្យ​ងាក​មក​រក​គន្លង​ផ្លូវ​ត្រូវ​វិញ។

កាល​ពី​ពេល​ថ្មីៗ នេះ​លោក សម រង្ស៊ី បាន​ប្រកាស​ជា​លើក​ទី​២ ថា នឹង​ចូល​ស្រុក​វិញ​យ៉ាង​យូរ​ក្នុង​ខែ​កញ្ញា​ខាងមុខ ដោយមាន​សមាជិកសភា​សហភាព​អឺរ៉ុប​ជាច្រើន​នាក់​ចូលរួម​អម​ដំណើរ​ផង​ដែរ​។ លោក​ក៏​កំពុង​ស្វែងរក​តំណាងរាស្ត្រ​ប្រទេស​ផ្សេងទៀត​ចូល​ផង​ដែរ។

នៅ​ថ្ងៃ​ទី​៦ ខែ​កក្កដា​នេះ លោក សម រង្ស៊ី បាន​សរសេរ​សារ​បង្ហោះ​នៅ​លើ​ទំព័រ​ហ្វេសប៊ុក​របស់​លោក ថា លោក​កំពុង​ឋិត​នៅ​ទីក្រុង​ឡុងដ៍ (London) ប្រទេស​អង់គ្លេស ដើម្បី​ចូលរួម​ក្នុង​កិច្ចប្រជុំ​គណៈ កម្មធិការ​ប្រតិបត្តិ (Executive Committee) របស់​ចលនា​សេរីនិយម​អន្តរជាតិ (Liberal International) ដែល​លោក​ធ្លាប់​ធ្វើជា​អនុប្រធាន និង​ធ្លាប់​ទទួល​ពានរង្វាន់​"​ជើងឯក​លទ្ធិប្រជាធិបតេយ្យ សិទ្ធិមនុស្ស និង​នីតិរដ្ឋ​" ។ លោក​ថា កិច្ចប្រជុំ​នេះ មាន​រដ្ឋមន្ត្រី និង​តំណាងរាស្ត្រ ជាច្រើន​មកពី​ទូទាំង​ពិភពលោក ដែល​នឹង​អនុម័ត​ញត្តិ​មួយ​ស្ដីពី​កម្ពុជា​។ លោក ​បញ្ជាក់​បន្ថែម​ថា ពេលនេះ មាន​ឥស្សរជន​បរទេស​ជាច្រើន​ដែល​ស្ម័គ្រចិត្ត​ធ្វើដំណើរ​ចូល​ប្រទេស​កម្ពុជា​ជាមួយ​លោក​ក្នុង​ពេល​ឆាប់ៗ​ខាងមុខនេះ៕