ដោយ ខែ សុណង
2019-12-19
អ្នកស្រី អាលីសិន ស្ទេវ៉ាត់ (Allison Stewart) ភារធារីនៃស្ថានទូតកាណាដាប្រចាំកម្ពុជា ជួបសួរសុខទុក្ខលោក កឹម សុខា នៅផ្ទះឯទួលគោក រាជធានីភ្នំពេញ ថ្ងៃទី១៩ ខែធ្នូ ឆ្នាំ២០១៩។
រូប៖ RFA
ប្រធានគណបក្សសង្គ្រោះជាតិ ដែលត្រូវបានរដ្ឋាភិបាលលោក ហ៊ុន សែន រំលាយចោល គឺ លោក កឹម សុខា បន្តទទួលជួបភារធារីនៃស្ថានទូតប្រទេសកាណាដាប្រចាំកម្ពុជា នៅថ្ងៃទី១៩ ខែធ្នូ។ អ្នកវិភាគនយោបាយមើលឃើញថា ការជួបសួរសុខទុក្ខពីសំណាក់អ្នកការទូតប្រទេសសេរីធំៗ នេះ មិនមែនជារឿងសាមញ្ញនោះទេ ប៉ុន្តែជាចេតនាបង្ហាញថា រដ្ឋាភិបាលប្រទេសទាំងនោះ នៅតែ យកចិត្តទុកដាក់ខ្លាំងបំផុត ចំពោះសិទ្ធិសេរីភាពរបស់មេបក្សប្រឆាំងរូបនេះ ដែលពួកគេយល់ថា ការចាប់ឃុំឃាំង និងចោទប្រកាន់កន្លងមក ជារឿងអយុត្តិធម៌ និងគ្មានមូលដ្ឋាន។
នាយខុទ្ទកាល័យរបស់លោក កឹម សុខា គឺលោក មុត ចន្ថា ឲ្យដឹងថា លទ្ធផលជំនួបរវាងលោក កឹម សុខា និងភារធារីនៃស្ថានទូតកាណាដាប្រចាំកម្ពុជា អ្នកស្រី អាលីសិន ស្ទេវ៉ាត់ (Allison Stewart) គឺផ្តោតសំខាន់លើការសួរសុខទុក្ខ និងពិភាក្សាលើការងារមួយចំនួន ដែលជាប្រយោជន៍សម្រាប់ជាតិ និងប្រជាពលរដ្ឋខ្មែរ។
លោក មុត ចន្ថា សរសេរនៅលើទំព័រហ្វេសប៊ុករបស់ខ្លួនថា អ្នកស្រី អាលីសិន ស្ទេវ៉ាត់ (Allison Stewart) ថ្លែងថា ប្រទេសកាណាដា នឹងនៅតែបន្តជួយ និងគាំទ្រដំណើរការប្រជាធិបតេយ្យ និង ការលើកកម្ពស់ការគោរពសិទ្ធិមនុស្ស និងសេរីភាពជាមូលដ្ឋាននៅកម្ពុជា។ ភារៈធារីនៃស្ថានទូតប្រ ទេសកាណាដារូបនេះ បន្តថា រដ្ឋាភិបាលកាណាដា ក៏នឹងបន្តតាមដានយ៉ាងយកចិត្តទុកដាក់ ចំពោះ ស្ថានភាព និងករណីរបស់លោក កឹម សុខា ជាពិសេស ក្នុងពេលសវនាការជំនុំជម្រះក្តីនៅពេលខាង មុខនេះ។
ក្នុងជំនួបនោះ លោក កឹម សុខា ថ្លែងអំណរគុណចំពោះរដ្ឋាភិបាលកាណាដា ដែលបានជួយគាំទ្រ ដំណើរការប្រជាធិបតេយ្យ និងការគោរពសិទ្ធិមនុស្សនៅកម្ពុជា ហើយលោកស្វាគមន៍ចំពោះការពង្រឹង និងពង្រីកទំនាក់ទំនងល្អរវាងកម្ពុជាជាមួយបណ្តាប្រទេសនានា ដើម្បីបម្រើការពារ និងកសាងផលប្រយោជន៍សម្រាប់ប្រទេស និងប្រជាពលរដ្ឋខ្មែរ។
ការទទួលជួបជាមួយអ្នកការទូតបរទេសជាបន្តបន្ទាប់គ្នានៅផ្ទះរបស់លោក ស្ថិតនៅខណ្ឌទួលគោក ក្រុងភ្នំពេញនេះ គឺបន្ទាប់ពីតុលាការរបបក្រុងភ្នំពេញ កាលពីថ្ងៃទី១០ ខែវិច្ឆិកា អនុញ្ញាតឱ្យលោក កឹម សុខា មានសេរីភាពអាចធ្វើដំណើរបាននៅក្នុងប្រទេសបាន ប៉ុន្តែមិនឱ្យហួសពីព្រំប្រទល់ដែនរបស់កម្ពុជាឡើយ ហើយក៏មិនឲ្យលោកធ្វើសកម្មភាពនយោបាយបាននោះដែរ។ ក្រៅពីនេះ តុលាការបានតម្រូវឱ្យលោកឆ្លើយតបនឹងការកោះហៅពីគ្រប់សមត្ថកិច្ច។
សមាជិកក្រុមអ្នកវិភាគវ័យក្មេង លោក បុង ដែត លើកឡើងថា ករណីអ្នកកាទូតប្រទេសសេរីធំៗ បណ្តាក់គ្នាទៅជួបសួរសុខលោក កឹម សុខា ដល់ផ្ទះនេះ គឺបង្ហាញថា ពួកគេយកចិត្តទុកដាក់ យ៉ាងខ្លាំងចំពោះសិទ្ធិសេរីភាពរបស់មេបក្សប្រឆាំងរូបនេះ ខណៈតុលាការកម្ពុជា គ្រោងបើកសវនាការជំនុំ ជម្រះនៅពាក់កណ្តាលខែមករាខាងមុខ។ លោកបន្តថា កាយវិការនេះ ក៏ជំរុញតុលាការ ដែលស្ថិត ក្រោមសម្ពាធរបស់លោក ហ៊ុន សែន ឱ្យទម្លាក់ចោលការចោទប្រកាន់លោក កឹម សុខា ដែរ បើពុំនោះទេ រដ្ឋាភិបាលលោក ហ៊ុន សែន នឹងទទួលរងទណ្ឌកម្មធ្ងន់ធ្ងរទាំងលើបុគ្គលជាមន្ត្រីធំៗ ផ្ទាល់ផង និងប្រទេសកម្ពុជាផង ដូចដែលអាមេរិកបានដាក់ទណ្ឌកម្មបង្កកទ្រព្យសម្បត្តិមន្ត្រីជំនិតរបស់លោក ហ៊ុន សែន ពីរនាក់ គឺលោកផ្កាយ៤ គន់ គីម និងក្រុមគ្រួសារ ព្រមទាំងឈ្មួញឈើដ៏ល្បីនៅស្រុកខ្មែរ គឺឧកញ៉ា ទ្រី ភាព តាមរយៈការប្រើប្រាស់ច្បាប់ Global Magnitsky Act៖ «»
ការប្រកាសបន្តតាមដានករណីលោក កឹម សុខា ពីក្រុមប្រទេសប្រធាធិបតេយ្យនេះ គឺបន្ទាប់ពី ចៅក្រមស៊ើបសួរសាលាដំបូងរាជធានីភ្នំពេញ លោក គី ឫទ្ធី បានសម្រេចបញ្ជូនសំណុំរឿងសន្ទិដ្ឋិភាព ឬការត្រូវរ៉ូវគ្នាជាមួយបរទេសរបស់លោក កឹម សុខា ដែលជាសំណុំរឿងមានចរិតនយោបាយ និងធ្វើឡើងតាមការចង់បានរបស់លោក ហ៊ុន សែន ទៅជំនុំ ជម្រះថ្ងៃទី១៥ មករា ខែក្រោយនេះ។
រហូតមកដល់ពេលនេះ មានឯកអគ្គរដ្ឋទូតបរទេសជាង ១០ហើយ ដែលបានបណ្ដាក់គ្នាចូលជួបសួរសុខទុក្ខ លោក កឹម សុខា រួមមាន ឯកអគ្គរដ្ឋទូតបារាំង សហរដ្ឋអាមេរិក អាល្លឺម៉ង់ អូស្ត្រាលី សហភាពអឺរ៉ុប ជប៉ុន អង់គ្លេស ប្រទេសស្វីស ស៊ុយអែត ហ្វាំងឡង់ បែលហ្ស៊ិក ប្រទេសណូវែលហ្សេឡង់ និងប្រទេសកាណាដានេះ។ តំណាងរដ្ឋាភិបាលនៃប្រទេសសេរីធំៗ ទាំងនេះ នៅតែជំរុញដល់រដ្ឋាភិបាលកម្ពុជា ឲ្យស្តារលទ្ធិប្រជាធិបតេយ្យ ការគោរពសិទ្ធិមនុស្សឡើងវិញ តាមរយៈការទម្លាក់ចោលរាល់បទចោទប្រកាន់លើលោក កឹម សុខា និងដោះលែងជនទាំងឡាយណា ដែលត្រូវបានឃុំខ្លួនតាមទំនើងចិត្ត ក្នុងនោះរួមមានអ្នកសារព័ត៌មាន សកម្មជនសង្គមស៊ីវិល ព្រមទាំងអ្នកគាំទ្រ និងសមាជិកគណបក្សប្រឆាំងផងដែរ។ ប្រទេសទាំងនោះសង្កត់ធ្ងន់ថា មានតែធ្វើតាមអនុសាសន៍របស់ពួកគេនេះទេ ទើបមានប្រយោជន៍សម្រាប់កម្ពុជាទាំងវិស័យអភិបាលកិច្ច និងសេដ្ឋកិច្ច៕
1 comment:
Even though we failed to enter Cambodia on November 9th 2019, that attempt has gained so much publicity worldwide and made the world knew more about the autocracy regime of Ah Yuon's slave Hun Sen. Khmer people must have patience and abandon the desire of getting something very fast – abandon the hay fire mentality.
How many centuries that Vietnam wanted to swallow Cambodia before Vietnam conquered it in 1979 ? So Khmer people must have patience, and stop attacking Khmer nationalists who tried to free Cambodia from Vietnam. The crusade to liberate Cambodia from the evil Vietnam will take a long time and we must avoid making mistake by not breaking apart. Yuon’s main goal was making Khmers fight with Khmers, making Khmers distrust their leaders. The union between Sam Rainsy and Kem Sokha must be inseparable.
Personally, I am so sick with Kanha LeuKeu Kem MonoShittia’s rhetoric. Because she is Kem Sokha’s daughter, her stinky mouth has caused so much friction among the CNRP’s members. Khmer people must kick this devil girl out of the CNRP in order to strengthen the CNRP's solidarity.
Post a Comment