Khmer Circle:
Nothing issuing from the Hun Sen regime is shocking anymore. No wonder the Chinese derisively described the man who ruins - runs! - the country as "The handsome hero who goes in reverse direction" amid the coronavirus pandemic crisis!
Not that the man himself sees the ridicule behind the false praise. It's been reserved for the title of the book dedicated to Hun Sen's extraordinary leadership and achievements...no doubt by some of the leading scholars of the nation!
🔺🔺🔺
2020-05-31
សកម្មភាពអាជីវករផ្សារដើមគលក់ដូរ ពីជ្រុងខាងកើតផ្សារជាប់ផ្លូវមុនីរ៉េត រូបថតថ្ងៃទី២២ ខែកក្កដា ឆ្នាំ២០១៥។
RFA/Tha Kitya
ពលរដ្ឋអ្នកប្រកបរបរតូចតាចមួយចំនួនត្អូញត្អែរថា ពេលនេះពួកគេពិបាកក្នុងការចាយក្រដាសប្រាក់មួយ ពីរ និងប្រាំដុល្លារ បើទោះជាធនាគារជាតិ អះអាងថា ក្រដាសប្រាក់ដុល្លារទាំងនេះនៅតែអាចចរាចរណ៍លើទីផ្សារបានក្ដី។ ការលើកឡើងបែបនេះ ក្រោយពេលធនាគារជាតិប្រកាសប្រមូលក្រដាសប្រាក់ដុល្លារប្រភេទតូចទាំងនេះ ចូលឃ្លាំងដែលឈានទៅការឈប់ចរាចរណ៍នាពេលខាងមុខ។
អ្នករត់ម៉ូតូកង់បីម្នាក់លោក ឈួត ឆាត ឱ្យអាស៊ីសេរីដឹងថា ពេលនេះនៅកន្លែងចាក់សាំងមួយចំនួននៅភ្នំពេញ ពួកគេមិនទទួលលុយដុល្លារប្រភេទនេះទេ។ ពលរដ្ឋរូបនេះឆ្ងល់ថា រដ្ឋមិនហាមឃាត់ការប្រើប្រាស់ប្រាប់ដុល្លារប្រភេទទេ ប៉ុន្តែមិនដឹងហេតុអី បានជាកន្លែងខ្លះចាប់ផ្ដើមឈប់ទទួលប្រាក់ដុល្លារប្រភេទនេះហើយ ។ លោកបន្តថា មុខរបរលោកសព្វថ្ងៃបើដឹកភ្ញៀវបរទេសភាគច្រើនគេឱ្យជាលុយដុល្លារ។ លោកថា ពេលនេះលោកមានការរារែកមិនចង់ទទួលប្រាក់ដុល្លារពីភ្ញៀវនៅពេលពិបាកចាយលុយដុល្លារបែបនេះ៖ «ប៉ះពាល់ខ្លះដែរបើដឹកភ្ញៀវបរទេសភ្ញៀវចិនអីចឹងទៅ គេឱ្យលុយដុល្លារឱ្យអ៊ីចឹងទៅយើងពិបាកប្រកែក យើងត្រូវតែយក ដូចខ្ញុំអីចឹងទៅតែឌុបភ្ញៀវ ភ្ញៀវឱ្យលុយដុល្លារអីចឹងទៅអត់សូវចង់យកពិបាកចាយពេក»។
សមាគមមីក្រូហិរញ្ញវត្ថុកម្ពុជាក៏បានចេញសេចក្ដីប្រកាសព័ត៌មានគាំទ្រលើកទឹកចិត្តការចាយប្រាក់រៀល និងអះអាងថា សមាគមមីក្រូហិរញ្ញវត្ថុនៅតែទទួលក្រដាសប្រាក់ដុល្លារប្រភេទតូចជាធម្មតា តាមតម្លៃសេដ្ឋកិច្ច។
រីឯលោកនាយករដ្ឋមន្ត្រី ហ៊ុន សែន កាលពីថ្ងៃទី២៨ ខែឧសភា បានសរសេរលើនៅហ្វេសប៊ុកលោកថា ពលរដ្ឋនៅតែអាចចាយជាធម្មតានូវក្រដាសប្រាក់ដុល្លារប្រភេទតូច(១ដុល្លារ ២ដុល្លារ និង៥ដុល្លារ)ទូទាំងប្រទេស។ លោកបន្តថា ក្នុងករណីឈប់ចរាចរណ៍ក្រដាសប្រាក់ទាំងនេះនៅលើទីផ្សារគឺធនាគារជាតិប្រាកដជាមានសេចក្ដីប្រកាសជាផ្លូវការហើយ។
ទោះបីជាយ៉ាងណា ពលរដ្ឋម្នាក់គឺ លោក រស់ គង់ លើកឡើងថា ការជូនដំណឹងរបស់ធនាគារជាតិដែលប្រើពាក្យពេចន៍មិនច្បាស់លាស់ធ្វើឱ្យពលរដ្ឋមានការយល់ច្រឡំ និងមានការព្រួយបារម្ភរហូតធ្វើឱ្យអ្នកលក់ដូរខ្លះលែងហ៊ានទទួលលុយដុល្លារប្រភេទតូចៗនេះ។
លោកយល់ថា ការប្រកាសគម្រោងឈប់ចាយលុយប្រភេទក្រដាសដុល្លារនេះ អាចមានទាំងគុណសម្បត្តិនិងគុណវិបត្តិ។ លោកថា ចំពោះគុណសម្បត្តិអាចលើកកម្ពស់ប្រាក់រៀលឱ្យមានតម្លៃ។ ដោយឡែកចំពោះគុណវិបត្តិធ្វើឱ្យអ្នកលក់ដូរមួយចំនួនកេងចំណេញលើពលរដ្ឋនៅពេលទំនិញគិតជាលុយដុល្លារធ្វើឱ្យអ្នកលក់គិតហាងឆេងខ្ពស់ពីពលរដ្ឋ។ ពលរដ្ឋរូបនេះ ចង់ឃើញមានការកំណត់តម្លៃលើទំនិញជាប្រាក់រៀលទាំងអស់ដើម្បីកុំឱ្យពលរដ្ឋជួបបញ្ហា៖ «តាមហាងទំនិញកន្លែងលក់ដូរមួយចំនួនដែលគាត់អាចបិទតម្លៃបានថា បួនពាន់រៀល ឬក៏ប្រាំពាន់រៀលអីចឹងល្អដែរ ទីមួយលើកកម្ពស់អត្តសញ្ញាណប្រាក់រៀល ទី២ការប្រើប្រាស់ចរាចរណ៍លុយរៀលកាន់តែច្រើនចំណេញសេដ្ឋកិច្ចអីចឹងដែរ។ អ្នកលក់ខ្លះគាត់ចាំតែកេងចំណេញទេ ពេលទៅទិញគាត់ដូរពីគាត់ គាត់ឱ្យខាតរហូតអ៊ីចឹងយើងឃើញមានរូបភាពហ្នឹងពិតប្រាកដជាកើតមានម៉ង បើដាក់ជារៀលតែម្ដងស្រួលអត់ពិបាកប្រកែកគ្នាអត់ពិបាកអន់ចិត្តគ្នា»។
ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក វន់ ពៅ យល់ថា ការពិចារណាឈប់ចាយក្រដាសប្រាក់ដុល្លារប្រភេទតូច ខណៈសេដ្ឋកិច្ចកម្ពុជានៅទន់ខ្សោយបែបនេះបង្កផលប៉ះពាល់ច្រើនដល់អ្នកប្រកបរបរសេដ្ឋកិច្ចក្រៅប្រព័ន្ធ។ លោកយល់ថា ធនាគារជាតិគួរពិចារណាឡើងវិញ៖ «ការគិតឡើងវិញឈប់ចាយលុយដុល្លារក្រដាសតូចលុះត្រាសេដ្ឋកិច្ចប្រទេសយើងមានការរីកចម្រើនដូចប្រទេសជិតខាងចាំយើងពិចារណាចំណុចនៃការបញ្ឈប់ចាយប្រាក់ដុល្លារហ្នឹងក៏គ្មានបញ្ហាអីដែរ»។
លោក វន់ ពៅ បន្តទៀត ប្រសិនបើនៅពេលខាងមុខរដ្ឋាភិបាលពិតជាបិទមិនឱ្យចាយក្រដាសប្រាក់ដុល្លារទាំងនោះ រដ្ឋាភិបាលក៏ត្រូវតែបិទការចាយក្រដាសប្រាក់បាតថៃ និងលុយដុងរបស់វៀតណាមនៅព្រំដែនដែរដើម្បីឱ្យស្មើភាពគ្នា។
1 comment:
The problems that Hun Sen facing are so huge, which prompted him to act crazily.
The COVID 19's ill effects plus the neither EBA nor GSP have caused Hun Sen to take erratic actions that would further accelerating his downfall.
Post a Comment