ដោយ មួង ណារ៉េត
2021-03-14
អ្នកវិភាគនយោបាយជើងចាស់លោកបណ្ឌិត ឡៅ ម៉ុងហៃ។
រូប៖ RFA
អ្នកវិភាគនយោបាយថា របបក្រុងភ្នំពេញជាអ្នកមានកាតព្វកិច្ចស្តារលទ្ធិប្រជាធិបតេយ្យឡើងវិញ ដោយបើកលំហរនយោបាយបង្កបរិយាកាសឱ្យមានគណបក្សសង្រ្គោះជាតិចូលរួមក្នុងការបោះឆ្នោតនាពេលខាងមុខនេះ។ ឆ្លើយតបការលើកឡើងនេះ អ្នកនាំពាក្យបក្សកាន់អំណាចនៅតែលើកឡើងដដែលៗថា ការរំលាយគណបក្សសង្រ្គោះជាតិជារឿងអនុវត្តច្បាប់ ហើយការសម្រេចបែបនេះ គឺជាសិទ្ធិរបស់តុលាការ។
វិបត្តិនយោបាយដែលបានអូសបន្លាយជាងបីឆ្នាំមកនេះ នៅតែស្ថិតក្នុងដៃគណបក្សកាន់អំណាច ឬអាចនិយាយម៉្យាងទៀតថា អ្នកណាចង អ្នកនោះជាអ្នកស្រាយ។
អ្នកវិភាគនយោបាយជើងចាស់លោកបណ្ឌិត ឡៅ ម៉ុងហៃ មានប្រសាសន៍ថា ចាប់ពីពេលនេះតទៅរដ្ឋាភិបាល ត្រូវបង្កលក្ខណៈឲ្យសង្គមនិងនយោបាយអំណោយផលនិងរៀបចំឱ្យមានការបោះឆ្នោតដោយសេរីនិងយុត្តិធម៌ឡើងវិញ។ លោកបណ្ឌិតយល់ថា រដ្ឋាភិបាលគួរមានការដោះស្រាយបញ្ហាទាំងនេះជាបណ្ដើរៗមុនការបោះឆ្នោតមកដល់ក្នុងនោះរឿងសំខាន់ដែលត្រូវធ្វើឱ្យលឿន គឺដោះស្រាយបញ្ហាគណបក្សសង្គ្រោះជាតិដែលត្រូវបានរំលាយចោល៖ «បើសិនជាគេដាក់ទណ្ឌកម្មពីមុនដោយសារការបោះឆ្នោតឆ្នាំ២០១៨ មិនមានលក្ខណៈសេរី នឹងយុត្តិធម៌ អាណឹងគេបន្តទៅទៀតដើម្បីឱ្យស៊ីចង្វាកគ្នាជាមួយនឹងស្ថានភាពដូចជានៅដដែល»។
ជាច្រើនឆ្នាំមកនេះ អង្គការសិទ្ធិមនុស្សនិងសហគមន៍អន្តរជាតិលើកឡើងដូចៗគ្នាថា ការគោរពសិទ្ធិមនុស្សនិងប្រជាធិបតេយ្យនៅកម្ពុជាធ្លាក់ចុះដុនដាប ហើយពួកគេក៏បានដាក់ទណ្ឌកម្មលើរដ្ឋាភិបាលលោក ហ៊ុន សែន ជាបណ្ដើរៗនិងទាមទារឱ្យកែលម្អបញ្ហាទាំងនោះឡើងវិញ។ សភាអឺរ៉ុបបានដាក់ទណ្ឌកម្មរបបលោក ហ៊ុន សែន តាមរយៈការដកប្រព័ន្ធអនុគ្រោះពន្ធលើទំនិញគ្រប់មុខលើកលែងតែអាវុធគឺ EBA ចំនួន២០% ចេញពីកម្ពុជាម្ដងរួចមកហើយដោយសារតែរបបឯកបក្សមិនព្រមស្ដារលទ្ធិប្រជាធិបតេយ្យឡើងវិញ។ កាលពីថ្មីៗនេះ សភាអឺរ៉ុបបានចេញនូវសេចក្តីសម្រេចមួយដ៏គួរឱ្យភ្ញាក់ផ្អើលដែលជាការស្តីបន្ទោសទៅលើក្រុមមេដឹកនាំនៅកម្ពុជាលើបញ្ហានៃការរំលោភសិទ្ធិមនុស្សធ្ងន់ធ្ងរនេះ។
ឆ្លើយតបការលើកឡើងនេះ អ្នកនាំពាក្យគណបក្សប្រជាជនកម្ពុជាលោក ឈឹម ផលវរុណ យល់ថា នេះគ្រាន់តែជាការចង់បានរបស់ខ្លួន ប៉ុន្តែលោកថា សព្វថ្ងៃនេះការដាក់ទណ្ឌកម្មលែងមានប្រសិទ្ធភាពហើយ។ អ្នកនាំពាក្យរូបនេះ នៅតែជំរុញទៅអ្នកនយោបាយជាប់បម្រាមរូបណាចង់ធ្វើនយោបាយសុំសិទ្ធិនិងបង្កើតបក្សថ្មីដើម្បីចូលរួមប្រកួតប្រជែងក្នុងការបោះឆ្នោត៖ «ប្រទេសណាចូលចិត្តដាក់ទណ្ឌដាក់ទៅប៉ុន្តែជំនាន់នេះទំនាក់ទំនាក់ឥឡូវនេះមិនមែនពឹងផ្អែកទណ្ឌដូចសម័យសង្រ្គាមត្រជាក់ទៀតទេ»។
ទោះយ៉ាងណា អ្នកសម្របសម្រួលផ្នែកអង្កេតរបស់អង្គការឃ្លាំមើលការបោះឆ្នោត ខុមហ្វែ្រល (COMFREL) លោក កន សាវាង្ស យល់ថា សិទ្ធិនយោបាយនិងការបើកលំហរនយោបាយនៅកម្ពុជានៅតែមានសារៈសំខាន់។ មន្រ្តីសង្គមស៊ីវិលរូបនេះ ក៏ចង់ឃើញថា រដ្ឋាភិបាលគួរតែធ្វើតាមអនុសាសន៍របស់សហគមន៍អន្តរជាតិដែលទាមទារ៖ «នេះជារឿងសំខាន់ក្នុងការចូលរូមប្រកួតប្រជែងដោយស្នើភាពគ្នាបើសិទ្ធិទាំងអស់នេះនៅតែមានកម្រិតនៅឡើយការប្រកួតប្រជែងខាងមុខគឺមិនទាន់បានគ្រប់គ្រាន់ក្នុងការប្រកួតប្រជែងទេ»។
លោកបណ្ឌិត ឡៅ ម៉ុងហៃ សង្កេតឃើញថា ចាប់តាំងពីមានការរំលាយគណបក្សសង្រ្គោះជាតិមក លោកមិនដែលឃើញរដ្ឋាភិបាលបង្ហាញសញ្ញាថា ឱ្យគណបក្សសង្គ្រោះជាតិរស់ឡើងវិញ ដើម្បីចូលរួមការបោះឆ្នោតនោះទេ។ លោកព្រមានថា បើបញ្ហានេះនៅតែបន្តអូសបន្លាយដល់ការបោះឆ្នោតឆ្នាំ២០២២ និងឆ្នាំ២០២៣ នោះប្រទេសលោកសេរីនឹងដាក់ទណ្ឌកម្មលើប្រទេសកម្ពុជាកាន់តែច្រើននិងខ្លាំងៗឡើងថែមទៀត៕
1 comment:
The financial crisis or the "No money to pay the government's employees" will force Ah Roleuy Hun Sen to restore the CNRP, but he and his master Yuon will find another dirty way to prevent the CNRP from seizing the power after the election.
The evil Vietnam has so many tricks, which Khmer people and the international community must be aware of and ready to dismantle when it starts to show up.
For example, when they wanted to dissolve the CNRP, they created the Law of Kdor Ah Hun Sen first. And in this next chapter, we have to wait and see how Ah Kwack and Yuon will do to the CNRP once they reinstate it.
Post a Comment