Khmer Circle:
Asking people to provide leads on corruption in the country is akin to asking people in Alaska on how to find snow!
Why not start with the God-father of corruption himself: Hun Sen and his clan?
🔼🔼🔼
ដោយ សុជីវី
2022-01-31
ACU អំពាវនាវឱ្យពលរដ្ឋផ្តល់ព័ត៌មានពីអំពើពុករលួយក្រោយបានបញ្ជូនមន្ត្រីខ្លួនម្នាក់ទៅតុលាការពាក់ព័ន្ធនឹងអំពើពុករលួយ អង្គភាពប្រឆាំងអំពើពុករលួយ។ រូបថតថ្ងៃទី២៧ មេសា ឆ្នាំ២០១៦
RFA
អង្គភាពប្រឆាំងអំពើពុករលួយ ហៅកាត់ថា ACU អំពាវដល់សាធារណជនឱ្យចូលរួមផ្ដល់ព័ត៌មាន ដល់អង្គភាពបន្ទាន់ភ្លាមៗ ប្រសិនបើមានករណីជនខិលខូចណាម្នាក់ អះអាងថា ជាមន្ត្រីអង្គភាព ដើម្បីជួយសម្រួលដល់កិច្ចការល្មើសច្បាប់ណាមួយ។
ការលើកទឹកចិត្តដល់ពលរដ្ឋរបស់អង្គភាពប្រឆាំងអំពើពុករលួយនេះបន្ទាប់ពីស្ថាប័នជាតិមួយនេះ កាលពីថ្ងៃទី២៨ ខែមករា បានបញ្ជូនមន្ត្រីខ្លួនម្នាក់ទៅឱ្យសាលាដំបូងរាជធានីភ្នំពេញ ក្រោយជនសង្ស័យប្រព្រឹត្តិអំពើពុករលួយ។
មន្ត្រីដែល ACU ចោទប្រកាន់នោះឈ្មោះ ទូច ទិត្យវឌ្ឍនា ជាមន្ត្រីនាយកដ្ឋានកិច្ចគតិយុត្តិ ពាក្យប្តឹង និងអន្តរជាតិ។ ACU ចោទថា ជនសង្ស័យបានប្រើប្រាស់នីតិវិធីនានា ក្នុងពេលដែលខ្លួនកំពុងទទួលខុសត្រូវទទួលពិនិត្យប្តឹង ដើម្បីរកប្រយោជន៍ចូលក្នុងហោប៉ៅខ្លួនឯង។
ទាក់ទងនឹងអំពើពុករលួយនេះ អង្គការតម្លាភាពអន្តរជាតិ ដែលមានមូលដ្ឋាននៅប្រទេសអាល្លឺម៉ង់ (Germany) បានចាត់ថ្នាក់កម្ពុជា ១៥៧ លើ១៨០ ប្រទេស និងដែនដី ក្នុងសន្ទស្សន៍នៃការយល់ឃើញពីអំពើពុករលួយឆ្នាំ២០២១។ ជាមួយគ្នានេះកម្ពុជាក៏ជាប្រទេស ដែលមានកម្រិតអំពើពុករលួយខ្ពស់ ដោយជាប់ចំណាត់ថ្នាក់ទាបបំផុតក្នុងចំណោមប្រទេសជាសមាជិកអាស៊ានទាំង១០ និងចំណាត់ថ្នាក់ទាបបំផុតទី៣នៅក្នុងតំបន់អាស៊ីប៉ាស៊ីហ្វិក៕
No comments:
Post a Comment