អាជ្ញាធរ​បង្ខំ​លោក ចៅ វាសនា ឲ្យ​ចុះចូល​នឹង​បក្ស​កាន់អំណាច

 

Status Quo with a difference

by Khmer Circle

Some foreigners who had visited the country or had resided there in the fifties and sixties could recall how little things have changed for Cambodia and her people when they compare their experiences of those past decades to the present time. Outwardly, and in terms of what ordinary Cambodians have to encounter in their lives socially or even 'politically' - elite corruption, nepotism, single party autocracy etc. - such sentiment might be well founded and not at all misplaced. Be that as it may, at least the pre-war Cambodia, afflicted with official corruption and political repression along with the national fate or destiny had remained largely in the hands of Cambodians. Sadly, the same things cannot be said of the country today. 

The impact of totalitarian rule coupled with the process of mass mobilisation as these were inherent in Communist doctrine that had been implemented in Indochina under the guidance and watchful eyes of the North Vietnamese and the Vietcongs as well as the latter's determination to dislodge and replace that national self-autonomy have culminated in and reduced to the Cambodia and the political culture as we witness today governed by an alien political elite and culture marked by unprecedented tide of official corruption and nepotism that thrive - and continue to thrive - off callous exploitation of human and natural resources held in ransom by that odious elite in exchange for the privilege to keep things as they are: the status quo.

^^^     

ដោយ នៅ វណ្ណារិន
2023.06.22

 

 

ប្រធាន​គណបក្ស​ភ្លើងទៀន​ក្រុង​ប៉ោយប៉ែត​លោក ចៅ វាសនា។

រូប៖ ហ្វេសប៊ុកលោក ចៅ វាសនា

 

ប្រធាន​គណបក្ស​ភ្លើងទៀន​ក្រុង​ប៉ោយប៉ែត​លោក ចៅ វាសនា អះអាង​ថា អាជ្ញាធរ​បាន​បង្ខំ​ខ្លួន​ឱ្យ​ចុះចូល​ជាមួយ​គណបក្ស​កាន់អំណាច​ដោយ​សន្យា​ថា នឹង​ផ្ដល់​តំណែង​តួនាទី​ក្នុង​ជួរ​រដ្ឋាភិបាល។មន្ត្រី​សង្គម​ស៊ីវិល​ថា ការផ្លាស់ប្ដូរ​និន្នាការ​នយោបាយ​ឬ​ងាក​ទៅ​គាំទ្រ​គណបក្ស​ណាមួយ​ផ្សេង​គឺជា​សិទ្ធិ និង​សេរីភាព​របស់​បុគ្គល​ម្នាក់ៗ​តែ​វា​ក៏​មិន​គួរ​កើត​ឡើង​ក្រោម​ការ​បង្ខិតបង្ខំ​និង​ការ​គំរាមកំហែង​នោះ​ទេ។

មន្ត្រី​គណបក្ស​ភ្លើងទៀន​នៅ​ខេត្តបន្ទាយមានជ័យ​លោក ចៅ វាសនា បញ្ជាក់​ថា គោលជំហរ​និង​ឆន្ទៈ​របស់​លោក​គឺ​នៅតែ​មិន​ចុះចូល​ជាមួយ​គណបក្សកាន់អំណាច​ឡើយ ទោះបីជា​មានការ​បង្ខំ​គំរាមកំហែង ឬ​យក​លាភសក្ការៈ​បុណ្យស័ក្ដិ​មក​ទិញ​ទឹកចិត្ត​យ៉ាងណាក្ដី។

ប្រធាន​គណបក្ស​ភ្លើងទៀន​ក្រុង​ប៉ោយប៉ែត លោក ចៅ វាសនា ប្រាប់​វិទ្យុ​អាស៊ីសេរី​នៅ​ថ្ងៃទី​២២ ខែ​មិថុនា​ថា លោក​ត្រូវ​បាន​មន្ត្រីជាន់ខ្ពស់​ក្នុង​ជួរ​រដ្ឋាភិបាល​ម្នាក់​ដែល​លោក​សុំ​មិន​បញ្ចេញ​ឈ្មោះ និង​តួនាទី​បាន​មក​បញ្ចុះបញ្ចូល​ឱ្យ​លោក​ចុះចូល​ជាមួយ​គណបក្សកាន់អំណាច ដើម្បី​ប្ដូរ​យក​សុវត្ថិភាព​និង​តំណែង​ក្នុង​ជួរ​រដ្ឋាភិបាល។ លោក​បន្ត​ថា មន្ត្រី​រូប​នេះ​បាន​បង្ហើប​ឱ្យ​ដឹង​ថា មាន​អ្នក​រៀប​គម្រោង​ចាត់ការ​លោក​ដែល​អាច​មាន​គ្រោះថ្នាក់​ដល់​អាយុជីវិត​ប្រសិនបើ​លោក​នៅតែ​បន្តសកម្មភាព​ជាមួយ​គណបក្ស​ភ្លើងទៀន​។ លោក​បញ្ជាក់​ថា បើ​ទោះ​មានការ​គំរាមកំហែង​បែបនេះ​ក្ដី​ក៏​លោក​មិន​ក្បត់​ឆន្ទៈ និង​ឧត្ដមគតិ​ទៅ​ចុះចូល​ជាមួយ​គណបក្ស​ប្រជាជន​កម្ពុជា​ដើម្បី​ប្ដូរ​យក​តួនាទី​ខ្យល់​នោះ​ទេ។

លោក ចៅ វាសនា៖ «ហើយ​បើ​ខ្ញុំ​ទៅ​ចុះចូល​មិនមែន​ខូច​ឈ្មោះ​មួយថ្ងៃ​នេះ​ទេ​! មួយ​ជីវិត​ខ្ញុំ​គឺ​មាន​ឈ្មោះ​ជា​អ្នក​ក្បត់​ឆន្ទៈ អ្នក​ក្បត់​ឧត្ដមគតិ​ខ្លួនឯង។ អ៊ីចឹង​ខ្ញុំ គឺ​ខ្ញុំ​ទៅ​មិន​រួច តួនាទី​អី​ក៏​ខ្ញុំ​អត់​ចង់​បាន​ដែរ​។ ហើយ​តួនាទី​ហ្នឹង​ខ្ញុំ​ឃើញ​ហើយ គណបក្សប្រឆាំង​តាំង​ពី​ដើម រហូតដល់​ឥឡូវ​ហ្នឹង​ចូល​ទៅ​គឺ​តួនាទី​គេ​ឱ្យ​ហើយ ប៉ុន្តែ​តួនាទី​ទាំងអស់​ហ្នឹង​មិនអាច​យក​ទៅ​បម្រើ​ប្រជាពលរដ្ឋ​បាន ឬក៏​ទៅ​ធ្វើ​អី​តាម​តួនាទី​ដែល​ខ្លួនឯង​មាន​ហ្នឹង​បានទេ»។

 

វិទ្យុ​អាស៊ីសេរី​មិនអាច​ទាក់ទង​អ្នកនាំពាក្យ​គណបក្ស​ប្រជាជន​កម្ពុជា​លោក សុខ ឥសាន ដើម្បី​សុំ​ការ​បកស្រាយ​បាន​ទេ នៅ​ថ្ងៃទី​២២ ខែ​មិថុនា ដោយ​លោក​អះអាង​ថា កំពុង​ជាប់​ប្រជុំ។

ទោះជា​បែបនេះ​ក្ដី​បុគ្គល​មួយចំនួន​ដែល​ចុះចូល​ជាមួយ​គណបក្ស​កាន់អំណាច​បាន​ទម្លាយ​ថា ពួកគេ​ទទួលរង​ការ​គំរាមកំហែង​ចាប់​ដាក់​ពន្ធនាគារ និង​អាយុជីវិត​ដោយ​មិន​លើកលែង​សូម្បីតែ​សមាជិកគ្រួសារ​របស់​ពួកគេ​ដែល​មិន​ដឹង​អី។

ប្រធាន​សមាគម​ការពារ​សិទ្ធិមនុស្ស​អាដហុក (Adhoc) លោក នី សុខា មាន​ប្រសាសន៍​ថា​ការ​បង្ខិតបង្ខំ​ដាក់​សម្ពាធ និង​គំរាមកំហែង​នរណា​ម្នាក់​ឱ្យ​គាំទ្រ​គណបក្ស​ណាមួយ​គឺជា​ការរំលោភ​សិទ្ធិ​បុគ្គល និង​គោលការណ៍​ច្បាប់។ លោក​បន្ត​ថា ប្រសិន​តួអង្គ​បោះឆ្នោត និង​អ្នកនយោបាយ​រង​ការ​គំរាមកំហែង​តាម​រូបភាព​ផ្សេងៗ​បែបនេះ​វា​នឹង​ធ្វើ​ឱ្យ​ប៉ះពាល់​ដល់​គោលការណ៍​សេរី​ត្រឹមត្រូវ និង​យុត្តិធម៌​ក្នុង​ដំណើរការ​បោះឆ្នោត​ជ្រើសរើស​មេដឹកនាំ​តាម​លទ្ធិ​ប្រជាធិបតេយ្យ​នៅ​ខែ​កក្កដា ខាង​មុខ។

លោក នី សុខា៖ «បើសិនជា​ការ​បង្ខិតបង្ខំ​ហ្នឹង​មាន​ជា​សញ្ញា​ទៅដល់​ការ​គំរាមកំហែង​ទៀត​អាហ្នឹង​វា​ពាក់ព័ន្ធ​ទៅ​នឹង​ការរំលោភ​គោលការណ៍​ច្បាប់​ហើយ។ អ៊ីចឹង​បើ​មានការ​រំលោភ​គោលការណ៍​ច្បាប់​អាហ្នឹង​វា​ស្ថិតនៅ​ក្នុង​ករណី​ដែល​ជន​ម្នាក់ទៀត​(​ជនរងគ្រោះ​)​មាន​សិទ្ធិ​ក្នុង​ការ​ប្ដឹង​ដើម្បី​ស្វែងរក​យុត្តិធម៌ ដើម្បី​ដោះស្រាយ​រក​យុត្តិធម៌»។

វិធី​អូសទាញ​សមាជិក​គណបក្សប្រឆាំង​ដោយ​ការ​គំរាមកំហែង​ចាប់​ដាក់​ពន្ធនាគារ​ការ​គំរាម​ផ្តាច់​ជីវិត​និង​ការ​ផ្ដល់​តំណែង​តួនាទី​ក្នុង​ជួរ​រដ្ឋាភិបាល​ត្រូវ​បាន​រដ្ឋាភិបាល​លោក ហ៊ុន សែន​ប្រើប្រាស់​ដើម្បី​រំលាយ​ដៃគូ​ប្រកួតប្រជែង​ដែល​ជំនួស​ដោយ​ការ​រំលាយ​ដែល​លោក​ធ្លាប់ធ្វើ​ដាក់​គណបក្ស​សង្គ្រោះជាតិ កាល​ពី​ឆ្នាំ​២០១៧ ហើយ​ទទួល​រង​ការ​រិះគន់​ពី​សហគមន៍​អន្តរជាតិ​ជា​បន្តបន្ទាប់។

ចំពោះ​លោក ចៅ វាសនា វិញ​លោក​នៅតែ​មិន​ចុះ​ញ៉ម​ដោយ​រក្សា​ជំហរ​រឹងមាំ​ដដែល ដើម្បី​តស៊ូ​ជាមួយ​គណបក្ស​ភ្លើងទៀន​ក្នុង​ការ​ជំរុញ​ឲ្យ​មាន​ដំណើរការ​ប្រជាធិបតេយ្យ និង​ការ​គោរព​សិទ្ធិមនុស្ស​នៅ​កម្ពុជា​ឡើង​វិញ៕