Khmer Circle: Surprise, surprise...
^^^
2024.10.02
បណ្ដាញអង្គការអន្តរជាតិឃ្លាំមើលសិទ្ធិពលរដ្ឋ (CIVICUS) និងអង្គការវេទិកាអាស៊ី ដើម្បីសិទ្ធិមនុស្ស និងការអភិវឌ្ឍ (FORUM-ASIA) នៅថ្ងៃទី២ ខែតុលា បានដាក់របាយការណ៍ទៅកិច្ចប្រជុំដំណើរការត្រួតពិនិត្យជាសកលតាមកាលកំណត់ (UPR) របស់អង្គការសហប្រជាជាតិលើកទី៤៦។
ក្នុងរបាយការណ៍ ដែលបានស្នើនេះ អង្គការទាំងពីរពិនិត្យឃើញថា រដ្ឋាភិបាលកម្ពុជានៅតែរឹតត្បិតលើសេរីភាពក្នុងការបង្កើតសមាគម ការជួបប្រជុំដោយសន្តិវិធី និងការបញ្ចេញមតិ ចាប់តាំងពីការត្រួតពិនិត្យជាសកលតាមកាលកំណត់ (UPR) ឆ្នាំ២០១៩។
កាលពីឆ្នាំ២០១៩ រដ្ឋាភិបាលកម្ពុជាទទួលបានអនុសាសន៍ពីអង្គការសហប្រជាជាតិចំនួន៥០ ដោយទាមទារឱ្យរដ្ឋាភិបាលកម្ពុជាបើកលំហសម្រាប់សង្គមស៊ីវិល ។ រដ្ឋាភិបាលកម្ពុជាបានទទួលយកអនុសាសន៍ចំនួន៣៥ និងបានកត់សម្គាល់អនុសាសន៍ចំនួន១៥ ។ ទោះជាយ៉ាងណាក្ដី អ្នកជំនាញច្បាប់ និងសិទ្ធិមនុស្សជាច្រើនរកឃើញថា រដ្ឋាភិបាលកម្ពុជាមិនបានអនុវត្តតាមការអនុសាសន៍ ដែលអង្គការសហប្រជាជាតិបានស្នើនោះទេ។
របាយការណ៍ដដែលថា រដ្ឋាភិបាលបានបរាជ័យជាបន្តបន្ទាប់ក្នុងការដោះស្រាយការរឹតបន្តឹងធានាលើលំហសិទ្ធិពលរដ្ឋ ដូចដែលបានសន្យា។
អង្គការទាំងពីរថា ពួកគេមានការព្រួយបារម្ភយ៉ាងខ្លាំង ចំពោះច្បាប់រឹតត្បិតស្តីពីសមាគម និងអង្គការមិនមែនរដ្ឋាភិបាល (LANGO) ការរឹតបន្តឹងលើសហជីព និងការបង្ក្រាបក្រុមនយោបាយប្រឆាំង ដូចជា ការយាយី ការគំរាមកំហែង និងការធ្វើទុកបុកម្នេញអ្នកសារព័ត៌មាន និងការបិទប្រព័ន្ធផ្សព្វផ្សាយឯករាជ្យ បំបិទសំឡេងរិះគន់ ការចាប់ខ្លួនតាមអំពើចិត្ត និងរឹតបន្តឹងហួសហេតុទៅលើអ្នកតវ៉ាដោយសន្តិវិធីជាដើម៕
1 comment:
The main reason why Hun Sen keeps arbitrarily arresting Khmer patriots because his power was not given by Khmer people. His power was first bestowed by Vietnam, and afterward through rigged election. In addition, the fall of the leaders in Bangladesh and Sri Lanka made Hun Sen very nervous and paranoid.
Had Hun Sen risen to power through a free and fair election, his actions toward his Khmer critical patriots would have been quite different and rational.
To solve Hun Sen's cruelty problem, Khmer people must exercise their right by mounting a massive peaceful protest deploring the government's social injustice.
Freedom and social justice are not free. There is a price to pay for it.
Post a Comment