អ្នកនាំពាក្យក្រសួងការពារជាតិបានរាយការណ៍ថា ថៃបានបញ្ជូនកម្លាំងប្រដាប់ដោយអាវុធគ្រប់ដៃ និងគ្រឿងចក្រ ចូលរាយបន្លាលួសលើទឹកដីកម្ពុជានៅច្រកអានសេះ និងតំបន់ផ្សេងទៀត ដែលជាទង្វើរំលោភលើបទឈប់បាញ់គ្នា និងកំពុងគំរាមកំហែងដល់សន្ដិភាពនៅតាមបណ្ដោយព្រំដែនប្រទេសទាំងពីរ។
អ្នកនាំពាក្យក្រសួងការពារជាតិអ្នកស្រី ម៉ាលី សុជាតា បានថ្លែងនៅក្នុងសន្និសីទសារព័ត៌មានថា ករណីចូលរាយបន្លាលួសរបស់កងទ័ពថៃនេះ បានកើតឡើងនៅម៉ោង ១១ព្រឹកថ្ងៃទី០៤ ខែសីហា និងបើទោះបីជា កងកម្លាំងកម្ពុជាចេញទៅរារាំងហាមឃាត់យ៉ាងណាក៏ដោយ។ អ្នកស្រីបន្តថា ទីតាំងដែលកម្លាំងថៃចូលមកហ៊ុមព័ទ្ធទាំងនោះ ជាតំបន់ដែលក្រុមអនុព័ន្ធយោធាស្ថានទូតបរទេសនៅកម្ពុជា ចុះទៅពិនិត្យកាលពីថ្ងៃទី៣០ ខែកក្កដា។
កម្ពុជាសូមអំពាវនាវដល់សហគមន៍អន្តរជាតិ ជាពិសេសប្រទេសដៃគូ ដែលបានខិតខំប្រឹងប្រែងជួយឱ្យសម្រេចបានបទឈប់បាញ់ដ៏លំបាកមួយនេះ ហើយសុទ្ធតែមានបំណងចង់ឃើញបទឈប់បាញ់មួយនេះ ដោយពេញលេញនិងប្រកបដោយប្រសិទ្ធភាព ទាមទារឱ្យភាគីថៃបញ្ឈប់ទង្វើឈ្លានពានរបស់ខ្លួនជាបន្ទាន់ និងគោរពឱ្យបានម៉ឺងម៉ាត់នូវច្បាប់អន្តរជាតិ ជាពិសេសអធិបតេយ្យ និងបូរណភាពទឹកដីកម្ពុជា។
— អ្នកស្រី ម៉ាលី សុជាតា
2 comments:
វាតែងតែធ្វើគ្រាន់បើណាស់ ចុះឯណាអាពងក្តដែកជោ ម៉េចក៏មិនឃើញវាចេញមកក្អក?
This thief Thailand keeps instigating but the crazy dog Hun Sen must stop providing Thailand a good motive to attack Cambodia such as leaking audio.
Post a Comment