ដោយ សាន សែល
2017-06-26
លោកនាយករដ្ឋមន្ត្រី ហ៊ុន សែន (ឆ្វេង) និងឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា លោក វីល្លៀម ហៃដ្ដ៍ (William A. Heidt) ជួបពិភាក្សាគ្នានៅភូមិគ្រឹះរបស់លោកនាយករដ្ឋមន្ត្រី ថ្ងៃទី២៦ ខែមិថុនា ឆ្នាំ២០១៧។ Photo courtesy of U.S. Embassy Phnom Penh's facebook page
ឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា លោក វីល្លៀម ហៃដ្ដ៍ (William A. Heidt) សរសើរលោកនាយករដ្ឋមន្ត្រី ហ៊ុន សែន ចំពោះជោគជ័យនៃការបោះឆ្នោតឃុំ-សង្កាត់ថ្ងៃទី៤ មិថុនា។ លោកទាំងពីរបានជួបពិភាក្សាគ្នានៅរសៀលថ្ងៃទី២៦ មិថុនា នៅភូមិគ្រឹះរបស់លោកនាយករដ្ឋមន្ត្រី ដោយបានពិភាក្សាគ្នាពីទំនាក់ទំនងសេដ្ឋកិច្ចរបស់សហរដ្ឋអាមេរិក និងកម្ពុជា ពីអាទិភាពនៃការអភិវឌ្ឍសិទ្ធិមនុស្ស និងបញ្ហាដទៃទៀតដែលមានសារសំខាន់សម្រាប់ទំនាក់ទំនងកម្ពុជា-អាមេរិក។
នៅថ្ងៃដដែលនេះ គណបក្សសង្គ្រោះជាតិ វិញក៏បានចេញសេចក្តីថ្លែងការណ៍មួយដោយវាយតម្លៃការបោះឆ្នោតឃុំ-សង្កាត់នេះ ថាមិនបានបំពេញលក្ខខណ្ឌពេញលេញតាមគោលការណ៍នៃការបោះឆ្នោតដោយសេរី ត្រឹមត្រូវ និងយុត្តិធម៌ទេ បើទោះជាការរៀបចំបញ្ជីឈ្មោះអ្នកបោះឆ្នោត ការចុះឈ្មោះបោះឆ្នោត ការចុះបញ្ជីបេក្ខជនគណបក្សនយោបាយមានលក្ខណៈល្អប្រសើរ និងមានភាពវិជ្ជមានជាងមុនក្ដី។
គណបក្សប្រឆាំងបានលើកយកព្រឹត្តិការណ៍មួយចំនួនដែលនាំឲ្យប៉ះពាល់គោលការណ៍បោះឆ្នោត ដូចជាបរិយាកាសនយោបាយមុនការបោះឆ្នោត បរិយាកាសពេលឃោសនាបោះឆ្នោត ថ្ងៃបោះឆ្នោត ការរាប់សន្លឹកឆ្នោត និងការដោះស្រាយបណ្ដឹង ជាដើម។
គណបក្សនេះក៏ស្នើឲ្យ គ.ជ.ប កែលំអចំណុចមិនប្រក្រតីទាំងនេះ ដើម្បីឲ្យការបោះឆ្នោតតំណាងរាស្ត្រឆ្នាំ២០១៨ ខាងមុខ ប្រព្រឹត្តទៅសេរី ត្រឹមត្រូវ និងយុត្តិធម៌៕
1 comment:
In order to prove to his master Yuon that he will be a faithful servant to Yuon for life, this Khmer traitor Hun Sen has committed the following crimes to Khmer people and Cambodia:
1- Killed massively Khmer people through the execution of the K5 project,
2- Ceded Khmer land and water to Yuon,
3- Condoned the mass influx of the Vietnamese into Cambodia,
4- Allowed Yuon to deplete Khmer natural resource,
5- Facilitated the Vietnamization of Cambodia and ultimately will make Cambodia a part of
Vietnam as planned by the devil Ho Chi Minh, who is currently living in the hottest hell
with Sihanouk.
This Khmer traitor Hun Sen should go to hell to join Ho Chi Minh and Sihanouk.
97 Years Old Woman
Post a Comment