ដោយ អាស៊ីសេរី
2020-03-17
សណ្ឋាគារ The Great Duke អតីតសណ្ឋាគារ Intercon ដែលទើបតែក្ស័យធនថ្មីនេះ ត្រូវបានរដ្ឋាភិបាលសម្រេចជ្រើសរើសយកធ្វើជាកន្លែងពិនិត្យ ព្យាបាល និងថែទាំអ្នកជំងឺកូវីដ១៩ នៅថ្ងៃទី១៧ ខែមីនា ឆ្នាំ២០២០។
រូប៖ ពលរដ្ឋ
រដ្ឋាភិបាលនៅថ្ងៃទី១៧ មីនានេះ សម្រេចយកសណ្ឋាគារ ឌឹ ហ្គ្រេត ឌ្យូក (The Great Duke) ធ្វើជាកន្លែងពិនិត្យ ព្យាបាល និងថែទាំអ្នកជំងឺកូវីដ១៩។ ការសម្រេចយកសណ្ឋាគារ ឌឹ ហ្គ្រេត ឌ្យូក ជាមន្ទីរជាក់លាក់សម្រាប់ជំងឺកូវីដ១៩ គឺស្របពេលដែលក្រសួងសុខាភិបាលប្រកាសអំពីការរកឃើញអ្នកឆ្លងជំងឺនេះ ចំនួន ១២នាក់ថ្មីទៀត នៅថ្ងៃដដែល។ តួលេខថ្មីនេះ ធ្វើឱ្យចំនួនអ្នកឆ្លងសរុបនៅកម្ពុជា កើនឡើងទ្វេដង រហូតដល់ចំនួន ២៤នាក់។
យ៉ាងហោចណាស់អ្នកឆ្លងថ្មីចំនួន ១១នាក់ គឺជាអ្នកដែលបានត្រឡប់ពីការចូលរួមពិធីបុណ្យសាសនាឥស្លាមដ៏ធំមួយ នៅប្រទេសម៉ាឡេស៊ី កាលពីដើមខែនេះ។ តួលេខអ្នកទៅចូលរួមពិធីនៅប្រទេសម៉ាឡេស៊ីមានចំនួន ៧៩នាក់។ អាជ្ញាធរសុខាភិបាលកំពុងស្វែងរកអ្នកដែលទៅចូលរួមពិធី និងប៉ះពាល់ផ្សេងនៅតាមបណ្ដាខេត្តផ្សេងគ្នាមួយចំនួនទៀត ដើម្បីធ្វើតេស្តរកមេរោគនៃជំងឺកូវីដ១៩ នេះ។
No comments:
Post a Comment